इस्त्रायल-अमेरिकाविरोधातील युद्धाला 19 दिवस लोटलेत आणि इराणनं दोन्ही देशांना सळो की पळो करून सोडलंय. या युद्धात इराणनं आखातातील देशांवर हल्ले करून आपल्या लष्करी ताकदीचं प्रदर्शन केलंय. अशातच आता 'यू.एस.-चायना इकॉनॉमिक अँड सिक्युरिटी रिव्ह्यू कमिशन'च्या अहवालानं जगभरात खळबळ उडालीये. या अहवालात थेट चीनने इराणला मदत केल्याचं समोर आलाय.

या अहवालानुसार, चीनने इराणला आक्रमक ड्रोन, रॉकेट इंधनासाठीची रसायनं आणि सॅटेलाइट नेव्हिगेशन सिस्टीम पुरवल्या आहेत. याचा वापर पश्चिम आशियामध्ये हल्ले करण्यासाठी केला जात आहे. तसंच, चीननं इराणला रॉकेट इंधन उत्पादनासाठी आवश्यक असणारे सोडियम परक्लोरेट विकण्याची परवानगी दिली होती. महत्त्वाचं म्हणजे, चीनने जानेवारी 2025 मध्ये इराणला अंदाजे 1000 टन सोडियम परक्लोरेट देखील पाठवलं होतं. एवढंच नाही तर इराण सध्या पश्चिम आशियामध्ये ड्रोन आणि क्षेपणास्त्र हल्ल्यांसाठी चीनच्या उपग्रह दिशादर्शन प्रणालीचा वापर करत आहे.

एवढच नाही तर या अहवालानुसार, फेब्रुवारी 2026 मध्ये अमेरिका आणि इस्रायलने केलेल्या हल्ल्यांच्या काही दिवस आधी चीनने इराणला शस्त्र विकली होती.तसंच आक्रमक ड्रोन आणि जहाजविरोधी क्रूझ क्षेपणास्त्रे विकण्याचा एक मोठा करारही जवळपास अंतिम झाला होता. दरम्यान मागे हटायला तयार नसलेल्या इराणचे इस्रायल आणि आखाती देशांवर हल्ले सुरूच आहेत.अमेरिकेनं केलेल्या दाव्यानुसार इराणच्या हल्ल्यामागे जर चीनी तंत्रज्ञान असेल तर इराणला रोखणं इस्त्रायल अमेरिकेसमोरील मोठं आव्हान असेल एवढंच नाही तर युध्द अधिक काळासाठी लांबण्याचीही शक्यता आहे.