अमेरिकेने एक महत्त्वाची घोषणा केली आहे. इराणसोबतचे युद्ध कधी थांबवणार, याबाबत महत्त्वाचा निर्णय घेतला आहे. इराणसोबतचे युद्ध ९ एप्रिल २०२६ रोजी थांबवणार असल्याची माहिती समोर आली आहे. इराणला दिलेले अल्टीमेटम संपण्याआधी अमेरिकेचे राष्ट्राध्यक्ष डोनाल्ड ट्रम्प यांनी याबाबत संकेत दिले आहे. मध्य-पूर्व देशांमध्ये शांततेचे संकेत दिले आहे. ट्रम्प यांनी पुढील पाच दिवस इराणच्या ऊर्जा प्रकल्पांवर हल्ला न करणार असल्याचे सांगितले आहे.यामुळे युद्ध थांबण्याचे संकेत मिळाले आहे.

ट्रम्प यांनी दावा केला की, दोन्ही देशांमध्ये सकारात्मक चर्चा होत आहे. सुमारे १५ मुद्द्यांवर करार झाले आहे. अमेरिकेच्या राष्ट्राध्यक्षांच्या मते, इराणसोबतच्या चर्चेवरुन सर्वसमावेशक करार शक्य आहे की नाही हे ठरणार आहे. इराणने सुरुवातीला चर्चा करण्यास नकार दिला होता. मात्र, त्यानंतर चर्चा करण्यास मान्यता दिले.

पाकिस्तानसह इतर देश ठरले मध्यस्थी- रिपोर्ट

अमेरिकेचे राष्ट्रध्यक्ष डोनाल्ड ट्रम्प यांनी सांगितले की, इराणसोबतचे युद्ध संपल्यावर तेलाच्या किंमती मोठ्या प्रमाणात घसरतील.याचसोबत अयातुल्ला अली खामेनेई यांचा मुलगा मोजतबा खामेनेई बेपत्ता आहे, त्याचे काही झाले, याबाबत कोणालाही माहीत नसल्याचे डोनाल्ड ट्रम्प यांनी सांगितले. याचसोबत अमेरिकन वृत्तसंस्था ऑक्सिऑसच्या वृत्तानुसार, युद्ध संपवण्यासाठी तुर्की, इजिप्त आणि पाकिस्तानच्या प्रतिनिधींनी व्हाईट हाऊसचे दूत स्टीव्ह विटकॉफ यांची भेट घेतली. यानंतर युद्ध संपवण्यासाठी पाऊले उचलण्यात आली.

पाकिस्तान आणि डोनाल्ड ट्रम्प यांच्यात चर्चा

पाकिस्तानचे सीडीएफ फील्ड मार्शल असिम मुनीर यांनी डोनाल्ड ट्रम्प यांच्याशी चर्चा केली होती. मिडिया रिपोर्टनुसार, अमेरिका आणि इराणमध्ये या आठवड्यात इस्लामाबादमध्ये चर्चा होऊ शकते, असा विश्वास इस्त्रायली अधिकाऱ्यांना आहे.