जहाँ डाल डाल पें सोने की चिडीयॉं करती बसेरा वह भारत देश है मैरा..असं वर्णन भारताचं केलं जातं होतं. एकेकाळी भारतात सोन्याचा धूर निघत होता असं म्हटलं जायचं. देशात सोन्याचा दर काही दिवसांतच एक लाखाचा ऐतिहासिक आकडा पार करण्याच्या उंबरठ्यावर आहे. अशा स्थितीतच एक आनंदाची बातमी समोर आली आहे.

भारतात सोन्याची खाण सापडलाय.तांब्याचा शोध घेता घेता देशातील शास्त्रज्ञांनीही सोन्याचा खाण शोधून काढलीय. पाहूया कुठे सापडलीय ही सोन्याची खाण. नैसर्गिक साधनसंपत्ती आणि खनिजांचं केंद्र मानलं जाणारं ओडिशा राज्य हे सोन्याच्या खजिन्यासाठी पुन्हा चर्चेत आलं आहे. शास्त्रज्ञांनी राज्यात सोन्याचा मोठा साठा शोधून काढला आहे.

नजीकच्या भविष्यात या सोन्याच्या खाणींचा लिलाव केला जाणार आहे. खडकांचा आणि खनिजांचा अभ्यास करणाऱ्या संशोधकांना ओडिशातील सुंदरगड, नबरंगपूर, केओंझार आणि देवगड या जिल्ह्यांमध्ये सोन्याचा मोठा साठा सापडला आहे. जिओलॉजिकल सर्व्हे ऑफ इंडिया ही संस्था सोन्याच्या शोध प्रक्रियेवर बारकाईने लक्ष ठेवणार आहे. असंही भारतीयांच सोन प्रेम काही कमी नाही.

वर्ल्ड गोल्ड कौन्सिलच्या अहवालानुसार भारतीय महिलांकडे अंदाजे 24,000 टन सोने आहे. जे जगातील एकूण सोन्याच्या साठ्यापैकी 11% आहे. एकीकडे सोन्याच्या किंमती सर्वसामान्यांच्या ावाक्याबाहेर जात असताना ओडीशातील सोन्याचा साठा दिलासादायक आहे. यामुळे ओडीशाच नाही तर देशाच्या अर्थव्यवस्थेला देखील चालना मिळण्याची अपेक्षा आहे.