News Delhi: भारतातील कोरोना व्हायरच्या संसर्गाच्या वेगाने सरकारसोबतच नागरिकांची चिंता वाढवली आहे. देशात कोरोना रुग्णांची संख्या दिवसेंदिवस वाढत चालली आहे. देशभरात सध्या कोरोनाने भीषण रूप धारण केले आहे. गेल्या 24 तासांमध्ये देशात मोठ्यासंख्येने कोरोना रुग्ण आढळले आहेत.  (Latest Marathi News)

देशात गेल्या २४ तासात12 हजारांहून अधिक प्रकरणे नोंदवण्यात आली आहेत. ताज्या आकडेवारीनुसार, देशात गेल्या २४ तासात 12,591 नवीन रुग्ण आढळले आहेत, जी कालच्या तुलनेत 20 टक्क्यांनी जास्त आहे. कोरोनाचा (Corona) दैनिक सकारात्मकता दर 5.46 टक्के आहे. गेल्या 24 तासात 10,827 लोक बरे झाले आहेत, त्यानंतर कोरोनामधून (Corona Update) बरे होणाऱ्यांची एकूण संख्या 4,42,61,476 झाली आहे.

सध्या देशभरात कोरोनाची एकूण 65,286 सक्रिय रुग्ण आहेत. तर दुसरीकडे, दिल्लीत (Delhi) गेल्या 24 तासात सर्वाधिक म्हणजेच 1,767 नवीन कोरोनाबाधीत रुग्णांची नोंद झाली आहे, जी कालच्या तुलनेत जवळजवळ दुप्पट आहे. तर सहा रुग्णांचा मृत्यू झाला आहे. आरोग्य विभागाने जाहीर केलेल्या आकडेवारीतून ही माहिती समोर आली आहे.

मुंबईत किती रुग्ण

महाराष्ट्रात गेल्या 24 तासात 1,100 नवीन रुग्ण आढळले, तर चार रुग्णांचा या संसर्गामुळे मृत्यू झाला. आरोग्य विभागाने ही माहिती दिली आहे. राज्यातील एकूण संक्रमितांची संख्या 81,58,393 झाली आहे, तर एकूण मृतांची संख्या 1,48,489 झाली आहे. तर राज्यात कोरोनावर उपचार घेत असलेल्या रुग्णांची संख्या 6,102 झाली आहे.