काठमांडू : नेपाळमधील नुवाकोटमध्ये हेलिकॉप्टरला कोसळल्याची घटना घडलीय. या अपघातात ४ ते ५ जणांचा मृत्यू झालाय. रसुवाला जाणाऱ्या या हेलिकॉप्टरमध्ये फक्त पाच जण होते असे सांगण्यात येत आहे. यातील चार जण चीनचे नागरिक होते. गेल्या काही दिवसापूर्वी त्रिभुवन आंतरराष्ट्रीय विमानतळावर एका विमानाचा अपघात झाला होता. यात १८ जणांचा मृत्यू झाला होता. ही विमान कोसळण्याची दुर्घटना २४ जुलै रोजी घडली होती.

खराब व्यवस्थापनामुळे नेपाळमध्ये विमान अपघात होत असल्याचं सांगितलं जात आहे. दरम्यान हेलिकॉप्टर कोसळण्याची घटना जेथे घडली होती तेथे मदत आणि बचावकार्य सुरू आहे. ही घटना आज घडल्याचे सांगण्यात येत आहे. मिळालेल्या माहितीनुसार, नेपाळमधील नुवाकोटमधील शिवपुरी भागात या हेलिकॉप्टरला अपघात झाला. यामध्ये एअर डायनेस्टीचे हेलिकॉप्टर कोसळले. विमानातील सर्व ५ जणांचा मृत्यू झाला. त्रिभुवन आंतरराष्ट्रीय विमानतळावरील एका सूत्राने हिमालयन टाईम्सला सांगितले की, हेलिकॉप्टर काठमांडूहून निघाले होते आणि सयाफ्रुबेन्सीकडे जात असताना ते क्रॅश झाले.