रशियाच्या हल्ल्याने युक्रेन हादरलं, ट्रम्पसोबत चर्चेनंतर रशियाचा हल्ला; युक्रेनची राजधानी रशियाकडून उध्वस्त?

भरत मोहोळकर, साम टिव्ही

रशिया युक्रेन युद्धाने भीषण रुप घेतलंय.. रशियाने युक्रेनची राजधानी कीव्ह बेचिराख करण्याच्या इराद्यानेच तब्बल 550 ड्रोन आणि मिसाईल डागलेत... त्यामुळे युक्रेनचा थरकाप उडालाय....तर या धमाक्यांची माहितीच रशियाच्या सैन्यदलाने दिलीय...हा हल्ला किती विध्वंसक होता? पाहूयात....

रशियाच्या 63 ड्रोन आणि 9 मिसाईलने लक्षभेद

रशियाच्या हल्ल्यात 33 इमारती बेचिराख

भीषण हल्ल्यात 23 जणांचा मृत्यू तर 14 गंभीर जखमी

रात्रभर ड्रोन्स आणि मिसाईल हल्ल्यांच्या धमाक्यांचा आवाज

एकीकडे रशिया युक्रेन युद्ध थांबवण्यासाठी अमेरिकेचे राष्ट्राध्यक्ष डोनाल्ड ट्रम्प प्रयत्न करत आहे.. त्यांनी रशियाचे राष्ट्राध्यक्ष व्लादिमीर पुतीन यांच्याशी चर्चा केली. मात्र या चर्चेनंतर अवघ्या काही वेळातच रशियाने अत्यंत विनाशकारी हल्ला केलाय.. मात्र युक्रेनचे राष्ट्राध्यक्ष वोल्डोमीर झेलेन्स्कीने रशियाचे 315 ड्रोन आणि 7 मिसाईल पाडल्याचा दावा केलाय...तर युक्रेनच्या हल्ल्यात रशियाच्या जनरला मृत्यू झालाय... त्यामुळे आता रशिया आणि युक्रेनमधील हे युद्ध आणखीच भडकण्याची शक्यता आहे...