हरियाणातील आयपीएस वाय पूरण कुमार आत्महत्या प्रकरणात मोठा ट्विस्ट
प्रकरणाचा तपास करणाऱ्या एएसआय संदीप लाठर यांनी आयुष्य संपवलं
सुसाईड नोटमध्ये आयपीएस पूरण कुमार यांच्यावर केले गंभीर आरोप
आत्महत्येपूर्वी एएसआयने व्हिडीओ देखील तयार केला होता
हरियाणाच्या रोहतक रेंजचे आयपीएस अधिकारी वाय. पुरण कुमार यांच्या आत्महत्या प्रकरणात मोठा ट्विस्ट आला आहे. या प्रकरणाचा तपास करणाऱ्या एएसआयने आत्महत्या केली. या पोलिस अधिकाऱ्याने आत्महत्येपूर्वी सुसाइड नोट लिहिली. या सुसाइड नोटमध्ये त्यांनी आयपीएस पूरण कुमार यांच्यावरच गंभीर आरोप केले आहेत. या घटनेमुळे हरियाणाच्या पोलिस दलात मोठी खळबळ उडाली आहे.
मिळालेल्या माहितीनुसार, रोहतकमधील आयजी कार्यालयातील सायबर सेलमध्ये तैनात असलेले एएसआय संदीप लाठर यांनी आत्महत्या केली. राहत्या घरात स्वतःवर गोळ्या झाडून त्यांनी आयुष्य संपवलं. घटनास्थळी सापडलेल्या सुसाइड नोटमध्ये त्यांनी आयपीएस अधिकारी वाय. पूरण कुमार यांच्यावर गंभीर आरोप केले आहेत. या घटनेमुळे वाय. पूरण कुमार आत्महत्या प्रकरणाला नवीन वळण आले आहे.
एएसआय संदीप लाठर यांनी चार पानांची सुसाईड नोट लिहिली आहे. त्यांनी आत्महत्येपूर्वी एक व्हिडीओ देखील बनवला आहे. त्यांनी वाय. पुरण कुमार यांच्यावर गंभीर आरोप केले आणि डीजीपींना प्रामाणिक असल्याचे म्हटले आहे. या सुसाइड नोटमध्ये त्यांनी वाय पूरण कुमार यांना भ्रष्ट म्हटले आहे. अटकेच्या भीतीने पुरण कुमार यांनी आत्महत्या केली असे देखील त्यांनी सुसाइड नोटमध्ये लिहिले. 'मी माझा जीव देऊन चौकशीची मागणी करतो आणि या भ्रष्ट कुटुंबाला अजिबात सोडून नका.', असे देखील म्हटले आहे.
संदीप लाठर यांनी सुसाईड नोटमध्ये लिहिले की, 'मी संदीप कुमार, दयानंद यांचा मुलगा, जिंद येथील जुलाना गावचा रहिवासी आहे. मी माझ्या आयुष्यात नेहमीच सत्याचे समर्थन केले आहे. मला सत्यवादी आणि प्रामाणिक लोक आवडतात. माझे आजोबा आणि पणजोबा सैन्यात सेवा करत होते आणि देशासाठी लढले होते. देशभक्ती माझ्या नसांमध्ये वाहते. देश आणि समाजापेक्षा कोणीही मोठे नाही.' तर त्यांनी या सुसाईड नोटमध्ये संदीपने आयपीएस पुरण कुमार यांना भ्रष्ट आणि डीजीपी शत्रुघ्न कपूर यांना प्रामाणिक आणि निर्भय म्हटले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.