• हिसार कोर्टात0 गँगस्टर विनोद काणाची हत्या

• गोळ्या झाडून जागीच संपवलं

• हरियाणातील कोर्ट परिसर १४ गोळ्या झाडल्या

• हिसार कोर्टात गोळीबारानंतर परिसर सील

हरियाणातील कोर्टात गँगस्टरची हत्या करण्यात आली. हिसार येथील कोर्टात गुरूवारी दुपारच्या सुमारास ही घटना घडली. गँगस्टर विनोद काणावर एकापाठोपाठ १४ गोळ्या झाडण्यात आल्या. गोळीबाराच्या आवाजाने संपूर्ण परिसर हादरून गेला. या घटनेमुळे परिसरात खळबळ उडाली. कोर्टाचा संपूर्ण परिसर सील करण्यात आला. पोलिसांनी घटनास्थळी धाव घेत तपास सुरू केला आहे. .

मिळालेल्या माहितीनुसार, गुरुवारी पावणे तीन वाजताच्या सुमारास ही घटना घडली. थुराना गावातील रहिवासी गँगगस्टर विनोद काणा याची हत्या करण्यात आली. त्याच्या दिशेने १४ गोळ्या झाडण्यात आल्या. या घटनेमुळे परिसरात एकच गोंधळ उडाला. कोर्टात आलेले सर्वजण इकडे तिकते पळू लागले. पोलिसांनी कोर्टात येणाऱ्यांवर बंदी घातली. कोर्टाच्या परिसरातील पोलिस बंदोबस्त वाढवण्यात आला आहे. पोलिस सीसीटीव्ही फुटेज तपासत असून त्याच्याच मदतीने आरोपींचा शोध घेणार आहे.