नवी दिल्ली - गुजरातमध्ये Gujarat पोलीस स्टेशन परिसरात भीषण आग Fire लागल्याची घटना उघडकीस आली आहे. गुजरातमधील खेडा शहरातील पोलीस स्टेशनच्या परिसरात रात्रीच्या सुमारास ही आग लागली. ही आग काल रात्रीच्या सुमारास लागली असल्याची माहिती समोर आली आहे. या भीषण आगीत 25 वाहने Vehicles जळून खाक झाली आहेत. ही आग नेमकी कशी लागली याची माहिती अद्याप समोर आलेली नाही. आग लागलेल्या वाहनांमध्ये दुचाकी, ऑटोरिक्षा, कार अशा 25 गाड्यांचा समावेश आहे. या आगीमुळे परिसरात मोठ्या प्रमाणात धूर आणि आगीचे लोट पाहायला मिळाले.

या भीषण आगीची माहिती मिळताच अग्निशमन दलाचे जवान तातडीने घटनास्थळी दाखल आणि त्यांनी आगीवर नियंत्रण मिळवण्यास सुरुवात केली. ही आग इतकी भीषण होती की, अवघ्या काही क्षणातच तब्बल २५ वाहनांनी पेट घेतला आणि जळून खाक झाल्या. सुदैवाने या आगीत कोणतीही जीवितहानी झालेली नाही. या प्रकरणाचा पोलीस अधिक तपास करत असून मोठ्या प्रमाणात वाहनांचे नुकसान झाले आहे. या घटनेने परिसरात एकच खळबळ उडाली.

Edited By - Shivani Tichkule