ग्रेटर नोएडामधून एक धक्कादायक बातमी समोर येत आहे. कंपनी मॅनेजरचा शुक्रवारी रात्री संशयास्पद परिस्थितीत मृतदेह आढळला आहे. रहिवाशांना हत्येचा संशय आहे. पोलिसांना या प्रकरणाचा तपास सुरू केला आहे. पोलीस मृताच्या पत्नीच्या कॉल डिटेल्सची तपासणी करत आहेत. पोलिसांनी मृतदेह ताब्यात घेऊन रूग्णालयात शवविच्छेदनासाठी पाठवले आहे. पोस्टमार्टम रिपोर्टनंतरच मृत्यूचे कारण स्पष्ट होईल.

सूरजपूर कोतवाली पोलिसांकडून मिळालेल्या माहितीनुसार, आशिष गुप्ता (वय वर्ष ४२) असे मृत व्यक्तीचे नाव आहे. ते आपली पत्नी दिशा गुप्ता यांच्यासोबत पॅरामाउंट सोसायटीमध्ये राहत होते. ते नोए़डाच्या एका कंपनीत मॅनेजर होते. या जोडप्याला मुले नाहीत. शुक्रवारी दुपारी साडेचारच्यादरम्यान, आशिष गुप्ता यांची तब्येत खालावली असल्याची माहिती मिळाली.

यानंतर थेट मृत्यूची बातमी पोलिसांना मिळाली. ही माहिती मिळताच पोलिसांनी घटनास्थळी धाव घेतली. तसेच मृतदेह ताब्यात घेतला. शवविच्छेदनासाठी रूग्णालयात पाठवले. पोलीस सध्या आशिष गुप्ता यांच्या पत्नीची चौकशी करीत आहेत. त्यांचे कॉल डिटेल्स तपासात आहेत.

आशिषच्या पत्नीनं सांगितलं की, तिचा पती आजारी पडला होता. त्यांना उलट्यांचा त्रास झाला होता. यादरम्यान, त्यांचा मृत्यू झाला. सोसायटीतील रहिवाशांचा दावा आहे की, आशिष गुप्ताची हत्या करण्यात आली आहे, असा संशय त्यांनी व्यक्त केला. दरम्यान, पोस्टमार्टम रिपोर्टनंतरच मृत्यूचे कारण स्पष्ट होईल, असे पोलिसांचे म्हणणे आहे.

सोसायटीमधील सीसीटीव्ही फुटेजही पोलीस तपासात आहेत. आशिष गुप्ताच्या घरी कुणी आले होते का? याचाही तपास पोलिसांकडून सुरू आहे. मृत आशिष आणि त्यांच्या पत्नीचे कॉल डिटेल्सही तपासले जात आहे. पोलीस संपूर्ण घटनेचा तपास करीत आहेत.