Telecom Department Launches Digital Platform to Detect Scam Numbers : मागील काही वर्षांपासून भारतात फसवणुकीच्या घटना सुरू आहेत. फोनवरून फ्रॉड केल्याच्या घटना अनेकदा उघडकीस आल्या आहेत. काही केल्या आशाप्रकारच्या घटना कमी व्हायचे नाव घेत नव्हत्या. त्यामुळेच फसवणुकीच्या घटनांना आळा घालण्यासाठी सरकारकडून पावले उचलण्यात आली आहे. दरसंचार विभागाने त्यामुळे तब्बल दोन कोटी बनावट मोबाइल क्रमांक बंद करण्यात आले आहेत. त्यामुळे स्पूफ कॉलमध्ये ९७ टक्के घसरण झाली आहे. सरकारकडून यासाठी एख डिजिटल प्लॅटफॉर्मही तयार करण्यात आला आहे.

दूरसंचार विभागाचे ( DoT) सचिव डॉ. नीरज मित्तल यांनी सांगितले की, संचार साथीसारख्या उपाय योजनामुळे स्पूफ कॉल 97% कमी झाले आहेत. स्पूफ कॉल म्हणजे, कॉल करणारा व्यक्ती ओळख लपवण्यासाठी कॉलर आयडीवर चुकीची माहिती देतात. त्यामुळे फोन दुसऱ्या लोकशन आणि व्यक्तीच्या नावाने आल्यासारखे वाटतं. स्कॅमर्स आशाप्रकारे लोकांना गंडा घालतात. आशाप्रकारचे कॉल कमी झाले आहेत, त्यामुळे फसवणूक करण्याच्या प्रकाराला आळा बसला आहे.

नवीन डिजिटल प्लेटफॉर्म

ईटी टेलीकॉमच्या रिपोर्टनुसार, नीरज मित्तल यांनी सांगितले की, संचार साथीसारख्या उपाय योजनामुळे स्पूफ कॉलमध्ये 97 टक्क्यांची कपात झाली. स्पूफ कॉल जवळपास संपल्यात जमा झाल्याचेही आपण म्हणू शकतो. DoT ने एक डिजिटल इंटेलिजेंस प्लेटफॉर्म तयार केला आहे. त्या प्लॅटफॉर्मकडून फसवणुकीची माहिती तात्काळ मिळते.

AI चा वापर केला अन् 78 लाख बनावट कनेक्शन बंद -

एआयच्या मदतीने आतापर्यंत ७८ लाख बनावट मोबाईल कनेक्शन बंद करण्यात आले आहेत. DoT खासगी कंपन्यांच्या मदतीने वेगवेगळ्या सेक्टरची सुरक्षा वाढवण्यासाठी काम करत आहे. आर्थिक धोका तात्काळ समजण्यासाठी खास इंडिकेटरही सुरू करण्यात आले आहे. या इंडिकेटरमुळे फसवणुकीसाठी वापरत असलेल्या मोबाई क्रमांचा पर्दाफाश होतो. DoT इंटरनेट मॉनिटरिंग सिस्टम अधिक मजबूत करण्यासाठी काम करत आहे. इंटरनेटवर होणाऱ्या चुकीच्या घटनेवर नजर ठेवण्यासाठी सिस्टमला आणखी मजबूत करण्यात आलेय.