Accident CCTV News :

माजी खासदार मानवेंद्र सिंह यांच्या कार अपघाताचं सीसीटीव्ही फुटेज समोर आलं आहे. या फुटेजमध्ये कारचा अपघात कसा झाला हे दिसत आहे. मानवेंद्र सिंह यांच्या पत्नी चित्रा सिंह यांचा मृत्यू झाला होता. मानवेंद्र सिंह यांच्यासोबत त्यांचा मुलगा हमीर सिंग आणि ड्रायव्हर होते. या अपघातात तिघेही गंभीर जखमी झाले आहेत.

महामार्गावर लावण्यात आलेल्या सीसीटीव्ही कॅमेऱ्यांमध्ये अपघाताचा थरार कैद झाला आहे. कारचा वेग ताशी 200 किमी असल्याचा अंदाज वर्तवण्यात येत आहे. भरधाव वेगात कार महामार्गावरून खाली गेल्याचे आणि दुभाजक ओलांडून अंडरपासच्या भिंतीला धडकल्याचे या व्हिडीओत स्पष्ट दिसत आहे. (Latest Marathi News)

मंगळवारी संध्याकाळी मानवेंद्र सिंह यांचे कुटुंब दिल्लीहून जयपूरला येत होते. दिल्ली-मुंबई द्रुतगती मार्गाला लागून असलेल्या रसगनच्या खुसपुरी गावाजवळ हा अपघात घडला. या अपघातात माजी खासदार मानवेंद्र सिंह यांच्या दोन्ही बरगड्या तुटल्या असून त्यांच्या मुलाचा हात व नाक फ्रॅक्चर झाले आहे.

दोघांनाही मंगळवारी रात्रीच गुरुग्राम येथील रुग्णालयात रेफर करण्यात आले. अपघातानंतर मानवेंद्र यांच्या पत्नी चित्रा सिंह जिथे बसल्या होत्या तिथे मागील एअर बॅग उघडू शकल्या नाहीत.

तज्ज्ञांच्या माहितीनुसार, मागील बाजूस दाब नसल्यामुळे सेन्सर्सने काम केलं नाही आणि एअर बॅग उघडू शकल्या नाहीत. चित्रा सिंह मागे बसल्या होत्या, त्यामुळे एअर बॅग न उघडल्याने त्यांचा मृत्यू झाला.