हरियाणा - गुरुग्राममधील एका तरूणाला कोरोना लसीचे वेगवेगळे डोस देण्यात आले आहे. पहिल्या लसीचे सर्टिफिकेट दाखवल्यानंतरही दुसऱ्यांदा लस घेताना वेगळी लस दिल्याचा आरोप या तरूणाने केला आहे. हरतीरथ सिंह असे आरोप करणाऱ्या व्यक्तीचे नाव आहे.

हे देखील पहा -

त्यांनी आपल्याला १ डोस कोव्हॅक्सिनचा तर दुसरा कोव्हिशिल्डचा दिल्याची माहिती ट्विट करत दिली आहे. तो त्याच्या ट्विटमध्ये म्हणतो, "कोरोना लसीचं प्रमाणपत्र दाखवूनही पहिला डोस-कोवॅक्सिन आणि दुसरा डोस-कोव्हिशील्ड. कृपया काय करावं ते लवकर सांगावं. रोझवुड सिटी, सेक्टर 49, गुडगाव इथल्या लसीकरण केंद्रात हा प्रकार घडला." 

८ जून रोजी या व्यक्तीने पहिला डोस कोवॅक्सिन लसीचा  घेतला होता. त्यानंतर तो दुसऱ्या डोस साठी केंद्रावर पोहोचला असता या व्यक्तीला कोव्हिशील्ड या लसीचा दुसरा डोस देण्यात आला आहे. कोव्हिशीलड्ची दुसरी लस घेतल्यानंतर हरतीरथला काही काळ डॉक्टरांच्या देखरेख खाली  ठेवण्यात आले होते.

Edited By - Shivani Tichkule