वृत्तसंस्था: दिल्लीतील रोहिणी कोर्टात परत एकदा गोळीबार झाल्याची घटना घडली आहे. रोहिणी कोर्टाच्या (Rohini Court) आवारामध्ये एका वकिलावर गोळीबार (Firing) करण्यात आला आहे. गोळीबारानंतर पोलीस घटनास्थळी दाखल झाले आहेत. या प्रकरणाचा तपास सुरू केला आहे. न्यायालयाच्या बाहेर तैनात असलेल्या सुरक्षा रक्षकानेच हा गोळीबार केल्याचे सांगण्यात येत आहे. पोलीस (Police) सध्या गोळीबाराचे हे गूढ उकलण्यात व्यस्त आहेत. मागील वर्षी देखील रोहिणी कोर्टात गोळीबाराची घटना घडली होती.

हे देखील पहा-

मिळालेल्या माहितीनुसार, दिल्ली पोलिसांनी गोळीबाराची घटना रोहिणी कोर्टात घडल्याची पुष्टी केली आहे. पोलिसांना गोळीबाराच्या घटनेची माहिती पीसीआरद्वारे मिळाली होती. सुरक्षारक्षकाने वकिलावर गोळीबार का केला, त्यांच्यात काय झाले, याविषयीची माहिती समोर आली नाही. मात्र, न्यायालय परिसराजवळ झालेल्या गोळीबारामुळे परिसरात मोठ्या प्रमाणात खळबळ उडाली आहे. दिल्ली पोलिसांनी सांगितले आहे की, कोणती देखील जीवितहानी झाली नाही.

मागील वर्षी २४ सप्टेंबर दिवशी रोहिणी कोर्टाच्या कोर्टरुम क्रमांक २०७ मध्ये २ शूटर्सनी जितेंद्र गोगी याची गोळ्या झाडून हत्या करण्यात आली होती. पोलिसांनी प्रत्युत्तरादाखल केलेल्या गोळीबारात दोन्ही हल्लेखोर ठार झाले होते. या गोळीबारात दिल्ली पोलिसांच्या स्पेशल सेलने टिल्लूला तुरुंगातून अटक करण्यात आली होती, तर कटात सहभागी असलेल्या उमंग यादवला हैदरपूर येथून अटक करण्यात आली होती.

Edited By- Digambar Jadhav