Nashville School Shooting Updates: अमेरिकेतून खळबळजनक वृत्त समोर आलं आहे. अमेरिकेतील एका खासगी शाळेत झालेल्या गोळीबारात तीन विद्यार्थ्यांसहित ६ जणांचा मृत्यू झाल्याची घटना घडली आहे. या घटनेने शाळा परिसराच एकच खळबळ उडाली आहे. (Latest Marathi News)(

मीडिया रिपोर्टनुसार, अमेरिकेतील (America) एका खासगी नॅशिवल ग्रॅड शाळेत (School) गोळीबार झाल्याची घटना घडली. या गोळीबारात तीन विद्यार्थ्यांचा मृत्यू झाला आहे. तसेच शाळा परिसरातील ३ नागरिकांचा देखील मृत्यू झाला आहे. या घटनेत हल्लेखोर महिलेचा पोलिसांनी खात्मा केला आहे.

नेमकं काय घडलं?

अमेरिकेत सोमवारी एका हल्लेखोर महिलेने टेनेसी येथील नॅशिवल ग्रॅड शाळेत गोळीबार केला. तिने गोळीबार केल्याची माहिती मिळताच पोलीस घटनास्थळी दाखल झाले. या महिलेने गोळीबार केल्यामुळे आतापर्यंत सहा जणांचा मृत्यू झाला आहे. तर या घटनेत अनेक जण जखमी झाले आहेत.

घटनेत ७ जणांचा मृत्यू

मिळालेल्या माहितीनुसार, या गोळीबार तीन चिमुकल्यांसहित तीन नागरिकांचा मृत्यू झाला आहे. तसेच या घटनेत गोळीबार करणाऱ्या महिलेला पोलिसांनी गोळीबारात ठार केलं आहे. या घटनेत अशा एकूण ७ जणांचा मृत्यू झाला आहे.

मीडिया रिपोर्टनुसार, या गोळीबाराच्या घटना घडताना शाळेत नर्सरीपासून सहावीच्या वर्गापर्यंत शिकणारे असे एकूण २०० विद्यार्थी उपस्थित होते.या घटनेत जखमी झालेल्या विद्यार्थ्यांना तातडीने लहान मुलांच्या रुग्णालयात दाखल केले. परंतु डॉक्टरांनी रुग्णालयात दाखल केलेल्या ३ विद्यार्थ्यांना मृत घोषित केले.