उत्तर प्रदेशच्या अमेठीमधून धक्कादायक घटना समोर आली आहे. ५० वर्षीय लालजी सिंह नावाच्या व्यक्तीने आयुष्य संपवलं आहे. लालजी सिंह यांच्या मृतदेहाजवळ आत्महत्येपूर्वी लिहिलेली चिठ्ठी देखील सापडली. लालजी यांचा मृतदेह रेल्वे स्टेशनजवळ सापडला. या घटनेने खळबळ उडाली आहे.

मिळालेल्या माहितीनुसार, लालजी यांच्या खिशात आत्महत्या करण्यापूर्वी लिहिलेली चिठ्ठी सापडली. यात चिठ्ठीत त्यांनी मुलगा आणि सूनेकडून छळ होत असल्याचं म्हटलं. यामुळे लालजी हे मानसिक तणावात होते. गौरगंज पोलीस स्टेशनच्या हद्दीत संपूर्ण घटना घडली.

पोलिसांनी दिलेल्या माहितीनुसार, लालजी सिंह यांनी रेल्वे स्टेशनच्या हद्दीत संपूर्ण प्रकार घडला. लालजी सिंह यांचा मृतदेह रेल्वे पोलिसांनी ताब्यात घेऊन शवविच्छेदनासाठी पाठवण्यात आला आहे.

स्थानिक रहिवासी आणि शेजाऱ्यांनी पोलिसांना माहिती दिली आहे की, लालजी तणावात होते. ते घरात मुलगा आणि सूनेच्या त्रासाला कंटाळून जायचे. रोज होणाऱ्या वादावर तोडगा काढण्यासाठी लालजी यांनी अनेकदा नातेवाईकांना विनवणी केली होती. पोलिसांनी या प्रकरणाचा सखोल तपास सुरु केला आहे. अधिकाऱ्यांनी दिलेल्या माहितीनुसार, लालजी यांना मानसिक आणि शारीरिक त्रासाला सामोरे जावं लागलं होतं. स्थानिक प्रशासन आणि पोलिसांनी या प्रकरणाचा तपास करत आहे. पोलिस आता लालजी यांनी लिहिलेल्या शेवटच्या चिठ्ठीची चौकशी करणार आहे.