ट्रम्प रशिया-युक्रेन युद्ध थांबवण्याचा प्रयत्न करतायत. मात्र अमेरिकेच्या अटीशर्ती युरोप आणि युक्रेन या दोन्ही देशांना मान्य नाहीत. त्यामुळेच युरोपने रशियाविरोधात युद्धाची तयारी सुरु केलीय. युरोपीय देश युक्रेनच्या ड्रोन शक्तीचा फायदा घेऊन रशियाची कोंडी करण्याचा प्रयत्न करणार आहेत. युरोपची नेमकी रणनिती काय आहे? पाहूयात.

काय आहे युरोपची रणनिती

युरोप युद्धाविरामाआधी युक्रेनमध्ये सैन्य तैनात करणार

रशियावर युद्धविराम करण्यासाठी दबाब टाकण्याचा प्रयत्न

युक्रेनमध्ये 40 लाख ड्रोन बनवण्याचा युरोपचा प्लॅन

ड्रोन उत्पादन दुप्पट करून रशियाविरोधात आक्रमक पवित्रा

युरोपीय देश युक्रेनमध्ये 100 पेक्षा अधिक ड्रोन प्लॅट उभारणार

युक्रेनी ड्रोन हल्ल्यानं रशियाचा पराभव करण्याची तयारी

ट्म्प वारंवार रशियाबद्दल मवाळ भूमिका घेऊन युक्रेनला झुकण्यास भाग पाडत आहेत. युद्धविरामासाठी युक्रेनचा वापर करण्याचा डाव ट्रम्प यांनी आखलाय, त्याचवेळी युरोपनं युक्रेनबरोबर ड्रोन डिल करून शेजारील देशांनी नवी रणनिती आखलीय. यात लिथुआनिया, रोमानिया, कॅनडा, युक्रेन यांचा समावेश असणार आहे.

रशियानं युक्रेनला युद्धात पराभूत केलं तर नाटोमधील इतर युरोपीयन देशांना धोका आहे. तसचं रशियाचा आक्रमकपणा थांबवण्यासाठी युरोपीय देश युक्रेनच्या माध्यमातून रशियाला कमकुवत करण्याचा प्रयत्न करतायत. मात्र युक्रेनचं ड्रोन सामर्थ्य वाढल्यास नव्यानं युद्धाला सुरुवात होईल, हे निश्चित.