Tejashwi Yadav and Lalu Prasad news:

ईडीने नोकरीच्या बदल्यात जमीन घोटाळा संबंधित मनी लाँड्रिंग प्रकरणात चौकशीसाठी राष्ट्रीय जनता दलाचे प्रमुख लालू यादव आणि बिहारचे उपमुख्यमंत्री तेजस्वी यादव यांना समन्स पाठवलं आहे. ईडीने या दोघांना बुधवारी समन्स पाठवलं आहे. (Latest Marathi News)

ईडीने आरजेडीचे नेते तेजस्वी यादव यांना चौकशीसाठी शुक्रवारी (२२) हजर राहण्यास सांगितलं आहे. तसेच बिहारचे माजी मुख्यमंत्री लालू याद यांना चौकशीसाठी बुधवारी २७ डिसेंबर रोजी बोलविण्यात आलं आहे. लालू प्रसाद यादव हे केंद्रीय मंत्री असताना नोकरीच्या बदलण्यात जमीन बळकावल्याचा आरोप आहे.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

काय आहे प्रकरण?

सीबीआयकडून १८ मे २०२२ लालू यादव, माजी मुख्यमंत्री राबडी देवी आणि मीसा भारती यांच्यासहित १७ लोकांवर जमीन बळकावण्याच्या आरोपाच्या अंतर्गत 'एफआयआर' दाखल करण्यात आला होता. लालू यादव यांच्या कार्यकाळात रेल्वे विभागातील विविध विभागात नियुक्ती झाली होती. २००४ ते २००९ दरम्यान ही नियुक्ती झाल्याचा आरोप आहे.

मुंबई , जबलपूर, कोलकाता भागात नियुक्ती

तसेच या नियुक्तीसाठी कोणत्याही प्रकारची सरकारी जाहिरात करण्यात आलेली नव्हती. मुंबई, जबलपूर, कोलकाता, जयपूर आणि हाजीपूर या भागात नियुक्ती करण्यात आली. २००४ ते २००९ काळात भारतीय रेल्वेच्या विविध विभागातील पदांवर नियुक्ती केल्याचा आरोप करण्यात आला होता.