Earthquake in Indonesia: इंडोनेशिया आज मोठ्या भूकंपाने हादरला आहे. सोमवारी पहाटे भारतीय वेळेनुसार पहाटे ३.५९ वाजता इंडोनेशियातील उत्तर सुमात्रा येथे भूकंपाचे धक्के जाणवले. नॅशनल सेंटर फॉर सिस्मॉलॉजीने भूकंपाची पुष्टी केली आहे. नॅशनल सेंटर फॉर सिस्मॉलॉजीने सांगितले की, भूकंपाची तीव्रता रिश्टर स्केलवर ६.१ इतकी मोजली गेली आहे.

प्राथमिक माहितीनुसार, भूकंपामुळे कोणत्याही प्रकारचे नुकसान झाल्याची माहिती नाही. मात्र, भूकंपाचे धक्के इतके जोरदार होते की लोकांमध्ये भीती पसरली होती. लोक घरातून बाहेर पडले आणि सुरक्षित स्थळी धावले.

भूकंपाचे जोरदार धक्के असूनही, इंडोनेशियात त्सुनामीचा कोणताही इशारा दिलेला नाही. इंडोनेशिया हा 27 कोटींहून अधिक लोकसंख्या 'रिंग ऑफ फायर' वर बसलेली आहे. येथील बराचसा भाग ज्वालामुखी आणि फॉल्ट लाइन्समुळे वारंवार भूकंप आणि ज्वालामुखीच्या उद्रेकाने प्रभावित होतो.

यापूर्वी १० जानेवारी (मंगळवार) रोजी इंडोनेशियामध्ये भूकंपाचे जोरदार धक्के जाणवले होते. भूकंपाची तीव्रता रिश्टर स्केलवर ७.७ इतकी नोंदवण्यात आली. युरोपीयन भूमध्य भूकंप विज्ञान केंद्राने (EMSC)ट्विटरवरील एका पोस्टमध्ये म्हटलं होतं की, मंगळवारी इंडोनेशियाच्या तनिंबर भागात ७.७ तीव्रतेचा भूकंप झाला. EMSC नुसार, भूकंप पृथ्वीच्या पृष्ठभागापासून ९७ किमी खाली होता.