उत्तर प्रदेशातील मेरठचा एक धक्कादायक व्हिडिओ सोशल मिडियात व्हायरल होत आहे. या व्हिडिओमध्ये एक पुरुष सरकारी शाळेत जबरदस्ती घुसतो. कपडे काढतो. वर्गातील मुलांना बाहेर काढतो. तसेच महिला शिक्षकासमोर अपशब्द वापरून त्यांच्यासोबत गैरवर्तन करतो. आरोपीच्या कंबरेवर एक दारूची बाटली देखील लटकलेली दिसत आहे. या व्यक्तीचा व्हिडिओ व्हायरल होताच पोलिसांनी त्या व्यक्तीवर कारवाई केली आहे.
मेरठमधील जितौला गावातील प्राथमिक शाळेत एक व्यक्ती दारू पिऊन आला. शिवकुमार असे त्या व्यक्तीचे नाव आहे. शाळेत घुसताच त्यानं गोंधळ घालायला सुरुवात केली. तसेच वर्गातून मुलांना बाहेर काढले. नंतर शिवकुमारने आपला टी शर्ट काढला. तसेच महिला शिक्षकासमोर शिवीगाळ करत गैरवर्तन करण्यास सुरुवात केली.
महिला शिक्षकाने त्याला वर्गातून हाकलून लावण्याचा प्रयत्न केला.पण त्याने ऐकले नाही. शिक्षकेचा मोबाईल हिसकावण्याचा प्रयत्न केला. यानंतर शाळेतील शिक्षकांनी आरोपीविरोधात पोलिसांकडे तक्रार दाखल केली.पुरावा म्हणून रेकॉर्ड केलेला व्हिडिओ सादर केला.
पोलिसांनी दिलेल्या माहितीनुसार, स्थानिक तरुणाने प्राथमिक शाळेत मद्यधुंद अवस्थेत शिक्षकांशी गैरवर्तन केले.दाखल केलेल्या तक्रारीनुसार आरोपीला अटक करण्यात आले आहे. त्याला न्यायालयीन कोठडीत पाठवण्यात आलं आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.