कोणत्या कर्मचाऱ्यांना मिळणार बोनस?

पोस्टाच्या आदेशानुसार, हा बोनस नियमित कर्मचारी - ग्रुप सी, मल्टी-टास्किंग स्टाफ (MTS) आणि बिगर राजपत्रित ग्रुप बी कर्मचाऱ्यांना मिळणार आहे. ग्रामीण पोस्ट कर्मचारी जे नियमित कार्यरत आहेत, अशांना या बोनसचा लाभ मिळणार आहे. तसेच अस्थायी आणि कॅज्युअल कर्मचाऱ्यांनाही बोनस दिला जाणार आहे.

याशिवाय, जे कर्मचारी ३१ मार्च २०२५ नंतर सेवानिवृत्त किंवा राजीनामे दिले असतील, तसेच प्रतिनियुक्तीवर गेले असतील ते कर्मचारी देखील पात्र ठरणार आहेत. या सर्व कर्मचाऱ्यांसाठी उत्पादकता-लिंक्ड बोनस, संबंधित तरतुदीनुसार लागू असेल, असेही आदेशात नमूद करण्यात आले आहे.

बोनस कसा मिळेल?

पोस्टानं बोनस कोणत्या आधारे आणि कसा दिला जाईल याचा फॉर्म्युला स्पष्टपणे नमूद केला आहे. नियमित कर्मचाऱ्यांसाठी बोनस सरासरी वेतन X ६० दिवस ÷ ३०.४ अशा स्वरुपात दिला जाईल. बोनससाठी वेतनाची कमाल मर्यादा ७ हजार रुपये दरमहा निश्चित करण्यात आली आहे.

ग्रामीण भागातील टपाल कर्मचाऱ्यांसाठी (जीडीएस) बोनस त्यांच्या टाइम रिलेटेड कंटिन्युटी अलाउंस अर्थात टीआरसीए आणि महागाई भत्त्याच्या आधारे निश्चित केला जाईल. अस्थायी आणि पूर्णकालीन कॅज्युअल कर्मचाऱ्यांसाठी त्यांना १२०० रुपयांचा अनुमानित वेतनाच्या आधारे एड-हॉक बोनस दिला जाईल. नोकरी सोडणारे कर्मचारीही पात्र असतील. जे कर्मचारी ३१ मार्च २०२५ नंतर विभागातून सेवानिवृत्त, राजीनामे दिलेले किंवा प्रतिनियुक्तीवर असतील, त्यांनाही प्रो राटा आधारे बोनस देण्यात येणार आहे.