Disha Salian's Death Case: दिशा सालियान मृत्यू प्रकरणात एक मोठी बातमी समोर आली आहे. दिशा सालियान आणि सुशांत सिंह राजपूत (Sushant Singh Rajput) प्रकरणाचा सीबीआयने तपास केला आहे असा दावा कॉंग्रेस प्रदेशाध्यक्ष नाना पटोले यांनी केला होता. आता हा दावा सीबीआयने स्वतः खोडून काढला आहे. दिशा सालियान हिच्या मृत्यूचा तपास सीबीआयने केलाच नाही अशी माहिती स्वतः सीबीआयकडून देण्यात आली आहे. (Sushant Singh Rajput death probe)

राज्याच्या हिवाळी अधिवेशनात सत्ताधाऱ्यांनी दिशा सालियान प्रकरण उकरुन काढलं होतं. यावेळी विरोधकांनीही सत्ताधाऱ्यांना प्रश्न विचारले. त्यावर उपमुख्यमंत्री देवेंद्र फडणवीस यांनी स्पष्टीकरण दिलं होतं. मात्र, उपमुख्यमंत्री देवेंद्र फडणवीस यांनी खोटी माहिती दिल्याचा ठपका ठेवत कॉंग्रेसचे नेते नाना पटोले यांनी फडणवीसांविरोधात हक्कभंग प्रस्ताव आणणार असल्याचं माध्यमांशी बोलताना सांगितलं होतं. मात्र, आता सीबीआयने (CBI) या संदर्भात स्पष्टीकरण दिलं असून सीबीआयने दिशा सालियान प्रकरणाची चौकशी केली नसल्याचं म्हटलं आहे. (Latest Marathi News)

दिशा सालियान हत्या प्रकरणात आदित्य ठाकरेंचा हात असल्याचा दावा सातत्याने भाजपचे आणि शिंदे गटाचे काही नेते करत आहेत. यामुळे नागपूर इथं सुरु असलेल्या हिवाळी अधिवेशानात वारंवार गदारोळ देखील होताना पाहायला मिळाला होता. त्यानंतर देवेंद्र फडणवीस यांनी सभागृहात दिशा सालियानच्या मृत्यूची चौकशी करण्यासंदर्भात एसआयटीची घोषणा केली आहे.

Edited By - Akshay Baisane