Delhi Restaurant Scheme: रेस्टॉरंटमध्ये अथवा बाहेर कुठेही जेवणासाठी गेल्यावर आपण देत असलेल्या पैशांत आणखीन थोडं जेवण मिळायला हवं होतं, असं अनेकांना वाटतं. अशा सर्वच खवय्यांसाठी एक आनंदाची बातमी समोर आली आहे. आरबीआयने २००० रुपयांच्या नोटा छापणे बंद केल्यावर आणि जवळ असलेल्या नोटा बँकत बदलून घेण्यास सांगितल्याने सर्वांचा गोंधळ उडाला आहे. आता या नोटेचा वापर करुन तुम्ही एक्सट्रा फूड खाऊ शकणार आहात. (Latets Marathi News)

अनेक नागरिकांनी आपल्या जवळ असलेल्या नोटा खर्च करण्यासाठी बाहेर काढल्या आहेत. मात्र बरेच दुकानदार २००० रुपयांच्या नोटा स्वीकारण्यास तयार नाहीत. मात्र असे असले तरी खवय्यांसाठी आणि २००० च्या नोटांच टेन्शन असलेल्यांसाठी आम्ही एक सुंदर अन् जबरदस्त हॉटेल शोधलं आहे.

या हॉटेलमध्ये तुम्हाला फक्त २००० ची नोट द्यायची आहे. त्या बदल्यात तुम्हाला भरपूर असं म्हणजे ३००० रुपांच जेवण दिलं जाणार आहे. रेस्टॉरंटमध्ये असलेल्या या ऑफरमुळे सर्वत्र या १००० रुपयांच्या एक्सट्रा जेवणाची चर्चा रंगली आहे. ही स्कीम आणखी २ महिने चालणार आहे. ३१ जुलै ही शेवटची तारीख आहे.

अब दुविधा में भी सुविधा है

नवी दिल्लीमधील (New Delhi) कॅनॉट प्लेसमध्ये असलेल्या अडोर २.१ नावाच्या रेस्टॉरंटने ‘अब दुविधा में भी सुविधा है’ ही स्कीम सुरु केली आहे. या स्किमच्या नावाने देखील मोठी चर्चा होत आहे.

जर तुमचे कुटुंब मोठे असेल आणि तुम्ही २००० च्या ५ नोटा भरल्या तर तुम्हाला थेट मेंबरशीपचे एक कार्ड दिले जाईल. या कार्डमधून तुम्ही एका वर्षात २००००रुपयांच जेवण जेऊ शकता. हे कार्ड फक्त १००० व्यक्तींसाठीच मर्यादीत आहे.