CUBA FACES SEVERE POWER AND FUEL CRISIS WITH 22-HOUR BLACKOUTS क्युबा हा देश सध्या इंधन आणि वीज संकटाचा सामना करत आहे. देशातील डिझेल आणि इंधन तेलाचा साठा जवळजवळ संपल्याने परिस्थिती अधिकच गंभीर झाली आहे. याचा थेट परिणाम राजधानी हवानासह अनेक शहरांवर होत असून, नागरिकांना वीजविना राहावे लागत आहे. गेल्या अनेक दशकांतील हे सर्वात भीषण वीज आणि इंधन संकट मानले जात आहे.

क्युबाचे ऊर्जा मंत्री व्हिसेंटे दे ला ओ यांनी स्पष्ट केले की, “आमच्या देशाकडे वीज निर्मितीसाठी आवश्यक इंधन उपलब्ध नाही, त्यामुळे वीजपुरवठा सुरळीत ठेवणे मोठे चॅलेंज बनले आहे,” असे त्यांनी सांगितले. या गंभीर परिस्थितीमुळे हवानामध्ये वारंवार आणि दीर्घकाळ वीज कपात होत आहे.

अनेक भागांतील नागरिकांना दररोज तब्बल २० ते २२ तास वीज नसल्याचा सामना करावा लागत आहे. परिणामी, घरगुती जीवन विस्कळीत झाले असून, व्यवसाय आणि दैनंदिन कामकाजावरही मोठा परिणाम होत आहे. अन्न साठवणूक, पिण्याचे पाणी, आरोग्य सेवा यांसारख्या मूलभूत गरजांवरही याचा विपरीत परिणाम दिसून येत आहे.

यापूर्वीच क्युबावर अन्न, औषधे आणि इंधनाच्या तुटवड्यामुळे त्रस्त होता. आता या वीज संकटामुळे नागरिकांच्या अडचणींमध्ये आणखी भर पडली आहे. गेल्या दोन वर्षांत क्युबाने सौरऊर्जेच्या क्षेत्रात काही प्रमाणात प्रगती करत सुमारे १,३०० मेगावॅट क्षमता वाढवली आहे. तरीही, इंधन तुटवडा (petrol shortage) आणि वीज वितरण प्रणालीमुळे या वाढीचा हवा तसा लाभ मिळत नाही. परिणामी, देशातील वीज निर्मिती आणि पुरवठा व्यवस्था दोन्हीही गंभीर संकटात सापडल्या आहेत. एकूणच, क्युबामधील ही परिस्थिती नागरिकांसाठी मोठे आव्हान ठरत असून, सरकारसमोरही तातडीने उपाययोजना करण्याची गरज निर्माण झाली आहे.