China Covid Update : चीनमध्ये कोरोना रुग्ण मोठ्या प्रमाणात वाढू लागले आहेत. चीनमध्ये कोरोना महामारीची परिस्थिती हाताबाहेर गेली आहे. चीनचे राष्ट्रपती जिनपिंग यांनी देखील कोरोनाची स्थिती मान्य करत कोरोनाचे आव्हानही मान्य केले आहे. (Latest Marathi News)

चीनमध्ये कोरोना रुग्ण मोठ्या प्रमाणात वाढले तरी रुग्णांचा अधिकृत आकडा अद्याप समोर आला नाही. जागतिक आरोग्य संघटनेने चीनची पोलखोल केली आहे.

जागतिक आरोग्य संघटनेच्या आठवड्याच्या रिपोर्टनुसार, चीनमध्ये एका आठवड्यात नव्या कोरोना रुग्णात ५० टक्क्यांनी वाढले आहेत. रिपोर्टनुसार, २६ डिसेंबर ते १ जानेवारी दरम्यान कोरोनाचे २.१८ लाख नवे रुग्ण आढळून आले आहेत. तर १२ ते १८ डिसेंबर दरम्यान १.४७ नवे रुग्ण आढळून आले आहेत. यानुसार चीनमध्ये कोरोना रुग्ण ४८ टक्क्यांनी वाढले आहेत.

चीन कोरोना रुग्णांचे मृत्यूचे आकडे देत आहेत, ते फारच कमी आहेत. जागतिक आरोग्य संघटनेच्या रिपोर्टनुसार, २६ डिसेंबर ते १ जानेवारी पर्यंत चीनमध्ये ६४८ लोकांना कोरोनामुळे मृत्यू झाला आहे. या व्यतिरिक्त चीनमध्ये रुग्णालयात दाखल होणाऱ्या कोरोना रुग्णांची संख्या ४८ टक्क्यांनी वाढली आहे. गेल्या आठवड्यात चीनच्या रुग्णालयात साडे बावीस हजार रुग्ण रुग्णालयात दाखल झाले होते.

दरम्यान, चीनचे राष्ट्रपती शी जिनपिंग यांनी नूतन वर्षाच्या निमित्ताने संबोधित करताना चीनमधील कोरोना महामारीची परिस्थिती मान्य केली होती. जिनपिंग म्हणाले, 'कोरोना विरोधात लढताना आपण एका नव्या टप्प्यात प्रवेश केला आहे'.

'कोरोना महामारी आजही मोठं आव्हान आहे. यावेळी जिनपिंग यांनी त्यांच्या कोरोना धोरणाचं कौतुक केलं होतं. कोरोना महामारीत आपण नागरिकांच्या जीवनाना अधिक प्राधान्य दिलं आहे. विज्ञानावर आधारित नीतीचा वापर करून लोकांचे प्राण वाचविण्यासाठी महत्वाचं पाऊल उचललं, असे शी जिनपिंग म्हणाले.