रोहित कदम, साम टीव्ही

ऐकलंत... देशात इंधनटंचाईचं संकट गडद झालं असताना आता राहुल गांधींनी मोठा दावा केलाय. देशातील सद्यस्थितीवर भाष्य करताना राहुल गांधींनी थेट आर्थिक संकटाच्या वादळाचे संकेत दिलेत. राहुल गांधींनी पंतप्रधान मोदींवरही जोरदार निशाणा साधलाय...

खरंतर, दोन दिवसांपूर्वीच पंतप्रधान नरेंद्र मोदींनी नेदरलँडमधल्या भाषणात थेट जगातले बहुसंख्य लोक गरिबीच्या खाईत लोटली जाणार असल्याची भीती व्यक्त केली होती.

डॉलरच्या तुलनेत रुपयाची होणारी घसरण पाहता काही दिवसात डॉलर १०० रुपयांवर जाण्याची भीती व्यक्त केली जातेय. आणि यामुळेच मोठं आर्थिक संकट देशासमोर उभं राहिलंय.

डॉलरच्या तुलनेत रुपयाची घसरण

तारीख - 15 मे 2026

डॉलर 94.59 रुपये

16 मे 2026

डॉलर 95.96 रुपये

17 मे 2026

डॉलर 95.97 रुपये

18 मे 2026

डॉलर 96.18 रुपये

19 मे 2026

डॉलर - 96.33 रुपये

खरंतर, पश्चिम आशियातील तणाव आणि कच्च्या तेलाच्या वाढत्या किमतींमुळे पुढील काळात इंधन दरांमध्ये आणखी वाढ होण्याची शक्यता व्यक्त केली जातेय. राहुल गांधींनी याआधीदेखील इंधन दरवाढीचे संकेत दिले होते. त्यानंतर आता पुन्हा एकदा दावा करून त्यांनी भारतीयांना सावध केलंय. त्यामुळे पुढील काळात देशाला आणखी बिकट परिस्थितीचा सामना करावा लागण्याची शक्यता आहे.