Viral Video : सीसीटीव्हीमुळे रस्त्यांवर होणाऱ्या अपघातांचे बरेच व्हिडीयो समोर येत असतात. यातील काही अपघात इतके भीषण असतात की पाहणेही शक्य होत नाहीत. असाच एक अपघाताचा थरारक व्हिडीओ समोर आला आहे. बाईक आणि घोडा यांच्या धडकेचा व्हिडीओ सध्या सोशल मीडियावर व्हायरल होत आहे. घोडा आणि बाईकवरील व्यक्ती दोघेही गंभीर जखमी झाले आहेत.

मिळालेल्या माहितीनुसार, मध्य प्रदेशमधील देवास येथील ही घटना आहे. अपघाताची घटना मध्यरात्रीची आहे. रात्र असल्याने रस्त्यावर वाहनांची वर्दळही फार दिसत नाही. यावेळी घोड्यावर बसलेला एक व्यक्ती रस्ता ओलांडताना दिसत आहे. रस्त्यावरुन कोणती गाडी येत नाही ना याची काळजी घेताना घोडस्वार दिसत आहे. (Viral Video) 

रस्ता ओलांडण्यासाठी गाडीची वाट पाहत आहे. तिथून गाडी पुढे जाताच, घोडेस्वार पुन्हा रस्ता ओलांडू लागतो, तेवढ्यात रस्त्यावरुन एक वेगवान बाईक येते आणि घोड्याला जोरात धडकते. यानंतर घडलेला प्रकार मन व्यथित करणारा आहे. (Latest Marathi News)

बाईक आणि घोड्याच्या जोरदार धडकेनंतर बाईक रस्त्यांनी फरफटत दूरवर झाते. या धडकेत बाईक चालक आणि घोडेस्वारही रस्त्याच्या मधोमध पडतात. घोडाही धडकेनंतर रस्त्यावर पडतो आणि काही क्षणात घोडा उभा राहतो. रस्त्याच्या मधोमध हा सगळा प्रकार घडला.

मिळालेल्या माहितीनुसार, बाईक चालवणारी व्यक्ती आणि घोडेस्वार या अपघातात जखमी झाले आहेत. तर घोड्यालाही किरकोळ दुखापत झाली आहे. घटनेनंतर आजूबाजूचे लोक त्यांच्या मदतीसाठी पुढे आले. अपघातात हा सगळा थरार सीसीटीव्ही कॅमेऱ्यात कैद झाला आहे.