छत्तीसगड सरकारने प्रशासकीय बदल केले असून मागच्या काही दिवसांपासून अधिकाऱ्यांना बदली करण्याची एक्सप्रेस सुसाट धावत आहे. या संदर्भात सरकारने आदेश जारी केला असून 2011 च्या बॅचचे IAS अधिकारी चंदन कुमार यांना छतीसगढच्या राजधानी क्षेत्र विकास प्राधिकरणचे मुख्य कार्यकारी अधिकारी हा पदभार सोपवण्यात आला आहे.

सध्या चंदन कुमार हे छत्तीसगढमधील वित्त विभागात सचिव पदावर कार्यरत आहे. तसेच रायपूर अटल नगर विकास प्राधिकरणचे ते मुख्य कार्यपालन अधिकारीचे देखील कामकाज बघत आहे. तर दुसऱ्या आदेशात, आयएएस IAS अधिकारी तीर्थराज अग्रवाल यांना धार्मिक देणग्या आणि धार्मिक विश्वस्तव्यवस्था विभागाचा अतिरिक्त कार्यभारातून मुक्त करण्यात आले आहे. ते आता केवळ त्यांच्या मूळ विभागातच काम करतील. तीर्थराज अग्रवाल सध्या छत्तीसगडच्या नियोजन, अर्थशास्त्र आणि सांख्यिकी विभागात उपसचिव म्हणून काम करतात आणि ही जबाबदारी ते पुढेही सांभाळतील.

आगामी काळात छत्तीसगढमध्ये निवडणुका होणार असून या पार्श्वभूमीवर अधिकाऱ्यांच्या बदल्यांचा धडाका सुरू आहे. आसाम, पश्चिमबंगालमध्ये देखील निवडणुकीआधी प्रशासकीय विभागात बदल केले जात आहे.