Indian Navy personnel :

मध्यपूर्वेतील देश कतारमध्ये भारतीय नौदलाच्या ८ माजी अधिकाऱ्यांना फाशीची शिक्षा सुनावण्यात आलीय. या शिक्षेविरोधात केंद्र सरकारने आव्हान याचिका दाखल केली आहे. परराष्ट्र मंत्रालयाचे प्रवक्ते अरिंदम बागची यांनी गुरुवारी पत्रकार परिषदेत याविषयीची माहिती दिली. (Latest News)

ज्या न्यायालयाने निर्णय दिलाय. तो निर्णय गृप्त आहे. निकालची प्रत विधी तज्ज्ञांना दिलीय. आम्ही या शिक्षेविरोधात आव्हान याचिका दाखल केली असून आम्ही कतारच्या दुतावासाच्या संपर्कात आहोत. आम्हाला आणखी एक कॉन्सुलर ऍक्सेस मिळालाय. या सर्वांच्या कुटुंबीयांच्याही आम्ही संपर्कात आहोत. आम्ही त्यांना सर्वतोपरी मदत करू. ही संवेदनशील बाब असून यात कोणतीही अटकळ ठेवू नये,असं बागची या नौदलाच्या कर्मचाऱ्यांच्या शिक्षेविषयी बोलताना म्हणाले. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

परराष्ट्र मंत्रालयाचे प्रवक्ते अरिंदम बागची यांनीही अनेक बाबींची माहिती दिली. सीमेवर पाकिस्तानकडून होणाऱ्या गोळीबारावर ते म्हणाले, अशा घटना पाकिस्तानकडून नेहमीच उठवल्या जातात. कारण हे शस्त्रसंधीचे उल्लंघन आहे. यापूर्वी घडलेल्या घटनेचा मुद्दा बीएसएफच्या फ्लँक बैठकीत उपस्थित करण्यात आला होता असं ते म्हणाले.

कतारच्या न्यायालयाने २६ ऑक्टोबर रोजी नौदलाच्या ८ माजी अधिकाऱ्यांना फाशीची शिक्षा सुनावली होती. या सर्वांवर इस्राइलसाठी हेरगिरी केल्याचा आरोप कतारने केला होता. कतारच्या गुप्तचर संस्थेच्या राज्य सुरक्षा ब्युरोने ३० ऑगस्ट २०२२ रोजी भारतीय नौदलाच्या ८ माजी अधिकाऱ्यांना अटक केली होती. मात्र सप्टेंबरच्या मध्यात भारतीय दूतावासाला त्याच्या अटकेची माहिती दिली होती.

कॅप्टन नवतेज सिंह गिल, कॅप्टन सौरभ वशिष्ठ, कॅप्टन बिरेंद्र कुमार वर्मा, कमांडर पूर्णेन्दु तिवारी, कमांडर सुग्नाकर पकाला, कमांडर संजीव गुप्ता, कमांडर अमित नागपाल, आणि सेलर रागेश, अशी या नौदलाच्या कर्मचाऱ्यांची नावे आहेत. या सर्वांना गृप्तहेरच्या आरोपाखाली अटक करण्यात आली असून त्यांना फाशीची शिक्षा सुनावण्यात आलीय.

हे सर्वजण कतारमधील दाहरा ग्लोबल टेक्नोलॉजीज अँड कन्सल्टन्सी या खासगी कंपनीत काम करत होते. या संस्थेचे प्रमुख ओमान हवाई दलाचे निवृत्त स्क्वॉड्रन लीडर खामिस अल अजमी हे आहेत. यांनाही ८ भारतीय नागरिकांसह अटकही करण्यात आली होती, मात्र नोव्हेंबरमध्ये त्याची सुटका करण्यात आली होती. ग्लोबल टेक्नोलॉजीज अँड कन्सल्टन्सी कंपनी संरक्षण सेवा पुरवते.