मध्य अमेरिकेतील ग्वाटेमालामध्ये भीषण अपघाताची घटना घडली आहे. ग्वाटेमालाच्या पश्चिम इंटर-अमेरिकन हायवेवर प्रवाशांची बस खोल दरीत कोसळल्याची घटना घडली. या घटनेत किमान १५ जणांचा मृत्यू झाल्याची माहिती मिळत आहे. तर १९ जण जखमी झाले आहेत.

स्थानिक अग्निशमन ब्रिगेडचे प्रवक्ते लिआंद्रो अमाडो यांनी सांगितलं की, भीषण अपघातात ११ पुरुष तर ३ महिलांचा मृत्यू झाला आहे. तर एका अल्पवयीन मुलाचा समावेश आहे. तर एकूण १९ प्रवासी जखमी झाले आहेत. अपघातात जखमी झालेल्यांना तातडीने जवळील रुग्णालयात दाखल करण्यात आलंय.

ग्वाटेमालाच्या सोलोल विभागातील महामार्गावरील १७२ आणि १७४ किलोमीटरच्या अंतरावर हा अपघात घडला. रस्त्यावर धुक्यामुळे ही अपघाताची घटना घडली. या भागात धुक्यामुळे रस्त्यात दिसणे अवघड होऊन जाते. या भागात गाडी चालवणे धोकादायक आहे. याच भागात अपघात झाल्याची माहिती मिळताच बचाव पथक घटनास्थळी पोहोचलं आहे.

अग्निशमन विभागाद्वारे सोशल मीडियाद्वारे अपघाताचे फोटो शेअर करण्यात आले आहेत. अपघातामधील मृतांच्या नातेवाईकांवर दु:खाचा डोंगर कोसळला आहे. स्थानिक प्रशासनाने अपघात प्रकरणी चौकशीचे निर्देश दिले आहेत. भविष्यात अपघात होऊ नये, यासाठी प्रशासनाने महत्वाच्या सूचना दिल्या आहेत. वाहन काळजीपूर्वक चालवावी , अशी सूचना देखील वाहनधारकांना केल्या आहेत.