लखनौमधून एक धक्कादायक घटना समोर आली आहे. गुरुवारी सकाळी किसनपथ परिसरात धावत्या बसने अचानक पेट घेतली. या अपघातात ५ प्रवाशांचा होरपळून मृत्यू झाला. तर, इतर गंभीर प्रवासी जखमी झाल्याची माहिती समोर आली आहे. बस बिहारहून दिल्लीला जात होती. दरम्यान, या घटनेची माहिती पोलिसांना मिळाल्यानंतर त्यांनी अपघातग्रस्तांना तातडीने रूग्णालयात नेले. मात्र, डॉक्टरांनी ५ जणांना मृत घोषित केले.

ही धक्कादायक घटना गुरूवारी सकाळी किसनपथावर घडली. ही बस बिहारहून दिल्लीच्या दिशेने जात होती. दरम्यान, शॉर्ट सक्रिटमुळे बसने अचानक पेट घेतल्याची माहिती समोर आली आहे. काही क्षणातच आगीने संपूर्ण बसला वेढले. आग लागताच चालक आणि कंडक्टर यांनी बसमधून उडी घेतली. तर, बसमधील ८० प्रवाशांनी बसच्या काचा फोडून स्वत:चा जीव वाचवण्याचा प्रयत्न केला.

प्रत्यक्षदर्शींनी दिलेल्या माहितीनुसार, धावत्या बसने पेट घेतल्यानंतर अग्निशमन दलाने तातडीने घटनास्थळी धाव घेतली. तसेच पोलिसांनीही घटनास्थळी धाव घेतली. अग्निशमन दलाने आग आटोक्यात आणण्याचा प्रयत्न केला. तसेच त्यांना तातडीने रूग्णालयात नेण्यात आले. डॉक्टरांनी तपासून ५ लोकांना मृत घोषित केले. ज्यात दोन मुलांसह पाच जण जिवंत जळाले.

या घटनेनंतर डीसीपी आणि इतर अधिकारी घटनास्थळी पोहोचले असून, पोलिसांनी या घटनेच्या अधिक तपासाला सुरूवात केली आहे. या घटनेनंतर परिसरात एकच खळबळ उडाली आहे.