Prajwal Revanna News:

अनेक महिलांचा लैंगिक छळ केल्याचा आरोप असलेल्या प्रज्वल रेवन्ना यांच्या विरोधात ब्लू कॉर्नर नोटीस जारी करण्यात आली आहे. कर्नाटकचे गृहमंत्री डॉ. जी परमेश्वरा यांनी रविवारी ही माहिती दिली. हसन लोकसभा मतदारसंघातील एनडीएच्या उमेदवाराला भारतात परत आणण्यासाठी इंटरपोलची मदत घेतली जात असल्याचे त्यांनी सांगितले.

जी परमेश्वरा यांनी सांगितले की, सेक्स स्कँडलच्या चौकशीसाठी स्थापन करण्यात आलेले विशेष तपास पथक (एसआयटी) प्रज्वल यांना परत कसे आणायचे याचा निर्णय घेईल. ते म्हणाले, ब्लू कॉर्नर नोटीस आधीच जारी करण्यात आली आहे. इंटरपोल सर्व देशांना माहिती देईल आणि त्यांचा शोध घेईल.

जी परमेश्वरा यांनी या प्रकरणाच्या तपासासाठी स्थापन केलेल्या एसआयटीच्या कार्याचे कौतुक केले. ते म्हणाले की, टीम आपले काम करत असून तक्रारींवर कायद्यानुसार कारवाई केली आहे. अपहरण प्रकरणात अटकेत असलेले प्रज्वल यांचे वडील एचडी रेवन्ना यांचा संदर्भ देत त्यांनी सांगितले की, एसआयटीने आरोपीला अटक केली आहे.

दरम्यान, प्रज्वल वडील आणि जेडी (एस) आमदार एचडी रेवन्ना यांच्यावर विनयभंग आणि अपहरणाचा आरोप आहे. त्यांना शनिवारी पोलीस आणि ताब्यात घेतलं आहे.

ब्लू कॉर्नर नोटीस काय आहे?

ब्लू कॉर्नर नोटीस कोणत्याही गुन्ह्याच्या संबंधात आंतरराष्ट्रीय पोलीस संस्थेकडून सहकार्य मिळविण्यासाठी जारी केली जाते. एखाद्या व्यक्तीची ओळख, स्थान किंवा गतिविधी याबद्दल सदस्य राज्यांकडून अतिरिक्त माहिती मिळविण्यासाठी ब्लू कॉर्नर नोटीस जारी केली जाते. ब्लू नोटीस सीबीआयच्या वेबसाइटवर बी सीरीज नोटीस म्हणून दर्शविली आहे. या बी कॅटगरी नोटीसला तपास सूचना असेही म्हणतात.