Bihar Katihar road Bus Accident

बिहारमध्ये (Bihar)एक भीषण अपघात झाला आहे. कटिहार जिल्ह्यात (Katihar Road Accident) प्रवाशांनी भरलेली एक बस उलटली. कुर्सेला पोलिस स्टेशन हद्दीत ही घटना घडली आहे. एका प्रायव्हेट बसचा हा अपघात झाला आहे. यात दोन प्रवाशांचा मृत्यू तर इतर प्रवासी जखमी असल्याची माहिती समोर आली आहे.

शिवम डिलक्स ही बस रांचीहून सिलिगुडीला जात होती. कबीर मठाजवळ ही बस उलटली. पहाटे साडेतीनच्या सुमारास हा अपघात झाला आहे. या अपघातात दोन महिला प्रवाशांचे मृत्यू झाला आहे, तर अनेक प्रवासी जखमी झाले आहेत. (Latest News)

पोलिसांनी दिलेल्या माहितीनुसार. दोन महिला प्रवाशांचा मृत्यू झाला आहे. तर जखमींवर प्राथमिक आरोग्य केंद्रात उपाचार सुरु आहेत. या अपघाताचे कारण अजून स्पष्ट झालेले नाही. याबाबत बसमधील प्रवाशांनी माहिती दिली आहे. बस चालवताना ड्रायव्हरला झोप लागल्यामुळे हा अपघात झाला असावा, असे सांगण्यात येत आहे.

बसमधील प्रवासी राहुल कुमारने याबाबत माहिती दिला आहे. कोडरमा येथे रात्रीचे जेवण करण्यासाठी बस थांबली होती. त्यानंतर बस पुढे जाण्यासाठी निघाली. पहाटे साडेतीनच्या सुमारास ही बस उलटली आहे. बसमध्ये जवळपास ५०-६० प्रवासी होते, असे त्याने सांगितले.

पोलिसांनी दिलेल्या माहितीनुसार, कुर्सेला पोलिस ठाणे आणि पोथिया पोलि ठाणे तसेच नगरसेवक आणि स्थानिक लोकांच्या मदतीने बसमधील प्रवाशांना बाहेर काढण्यात यश आले आहे. जखमी प्रवाशांना उपचारासाठी प्राथमिक आरोग्य केंद्रात पाठवण्यात आले आहे.