Lover stabs girl 12 times in Bihar's Sitamarhi: प्रेम प्रकरणातून दिल्लीतील श्रद्धा आणि साक्षी हत्याकांडानंतर आता बिहारच्या सीतामढी येथे देखील एका तरुणाने तरुणीवर जीवघेणा हल्ला केल्याची घटना समोर आली आहे. येथे एका 22 वर्षीय तरुणाने 20 वर्षीय तरुणीवर चाकूने 12 वार केल्याची घटना घडली आहे. या हल्ल्यानंतर तरुणी गंभीर जखमी झाली असून तिच्यावर रुग्णालयत उपचार सुरू आहेत. तिची प्रकृती चिंताजनक असल्याची माहिती आहे.

चंदन कुमार असे आरोपीचे नाव असून त्याने तरुणीसमोर ठेवलेला लग्नाचा प्रस्ताव तिने नाकारला. त्यामुळे त्याने तिच्यावर चाकूने हल्ला करत 12 वार केले. बिहारच्या सीतामढी जिल्ह्यातील बथनाहा पोलीस स्टेशन हद्दीतील हरिबेला गावात सोमवारी ही घटना घडली.

गेल्या चार वर्षांपासून होते प्रेमसंबंध

बथनाहाचे एसएचओ अशोक कुमार सिंग यांनी सांगितले की, आरोपीला अटक करण्यात आली आहे. मुलीच्या कुटुंबीयांनी चंदनविरोधात गुन्हा दाखल केला आहे. स्थानिकांनी दिलेल्या माहितीनुसार चंदनचे तरुणीसोबत गेल्या चार वर्षांपासून प्रेमसंबंध होते. त्यांचे फोटो आणि व्हिडिओ सहा महिन्यांपूर्वी सोशल मीडिया प्लॅटफॉर्मवर व्हायरल झाले होते. (Crime News)

लग्नासाठी मुलीवर टाकत होता दबाव

या घटनेनंतर तरुणीच्या कुटुंबीयांनी बथनाहा पोलिसात तक्रार देखील दाखल केली होती. अखेर पंचायतीच्या मध्यस्थीने हे प्रकरण मिटले होते. मात्र यानंतरही चंदन लग्नासाठी मुलीवर सतत दबाव टाकत होता. सोमवारी ती स्थानिक बाजारातून घरी परतत असताना चंदन तिला अडवलं आणि तिच्यावर चाकूने सपासप वार केले. (Latest Marathi News)