Summary -

• भाजपने बिहार निवडणुकीसाठी ७१ उमेदवारांची पहिली यादी जाहीर केली

• यादीमध्ये ९ महिला उमेदवारांना संधी देण्यात आली आहे

• उपमुख्यमंत्री सम्राट चौधरी तारापूरमधून निवडणूक लढणार

• काही वरिष्ठ नेत्यांना तिकीट नाकारल्याने नाराजीचे सूर

बिहार विधानसभा निवडणुकीसाठी भाजपकडून उमेदवारांची पहिली यादी जाहीर करण्यात आली आहे. ७१ उमेदवाराची पहिली यादी भाजपने आज जाहीर केली. भाजपने जाहीर केलेल्या यादीमध्ये ९ महिला उमेदवारांचा समावेश आहे. उपमुख्यमंत्री सम्राट चौधरी तारापूरमधून निवडणूक लढवणार आहेत. विजय कुमार सिन्हा लखीसराय मतदारसंघातून निवडणूक लढवतील. राज्यमंत्री नितीन नबीन हे बांकीपूर मतदारसंघातून आणि रेणू देवी या बेतिया येथून निवडणूक लढवतील.

भाजपने आरामधून संजय सिंह आणि गायत्री देवी परिहारमधून निवडणूक लढवतील. भाजपने जमुई येथून श्रेयसी सिंह यांना उमेदवारी दिली. प्रमोद कुमार हे रक्सौल येथून निवडणूक लढवतील. सुनील कुमार पिंटू यांना सीतामढी येथून उमेदवारी देण्यात आली आहे. रीगामधून वैद्यनाथ, मधुबनमधून राणा रणधीर, बाथनाहमधून अनिल कुमार निवडणुकीच्या रिंगणात उतरले आहेत. बेनिपट्टीतून विनोद नारायण झा आणि अरवालमधून मनोज शर्मा निवडणूक लढवणार आहेत.

भाजपने सात वेळा आमदार राहिलेले नंदकिशोर यादव यांना तिकीट दिले नाही. रत्नेश कुशवाह यांना पाटणा साहिबमधून तिकीट देण्यात आले आहे. मंत्री मोतीलाल प्रसाद यांचे रीगामधून तिकीट नाकारण्यात आले तर रामसुरत राय यांचे औराईमधून तिकीट नाकारण्यात आले आहे. त्यामुळे ते नाराज असल्याच्या चर्चा सुरू आहेत.

भाजपने जाहीर केलेल्या पहिल्या यादीमध्ये ९ महिलां उमेदवारांचा समावेश आहे. यामध्ये बेतियामधून रेणू देवी, परेहारमधून गायत्री देवी, नरपतगंजमधून देवंती यादव, किशनगंजमधून स्वीटी सिंह, प्राणपूरमधून निशा सिंगह, कोढा येथून कविता देवी, औराई येथून रमा निषाद, वारसलीगंज येथून अरुणा देवी आणि जमुई येथून श्रेयसी सिंह यांना उमेदवारी देण्यात आली आहे.