मालदीव आणि भारत यांच्यातील संबंध सातत्याने बिघडताना दिसत आहेत. यातच मालदीवचे नवनिर्वाचित राष्ट्रपती मोहम्मद मुइज्जू मालदीवमधून भारतीय सैन्य मागे घेण्याबाबत सातत्याने बोलत आहेत. यातच आता एक महत्वाची बातमी समोर आली आहे.
मालदीवच्या राष्ट्रपती कार्यालयाने एक निवेदन प्रसिद्ध केलं आहे. या निवेदनात म्हटले आहे की, मालदीव सरकारने भारताला मालदीवमधून आपले सैन्य मागे घेण्याची औपचारिक विनंती केली आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
हिंदुस्तान टाईम्सच्या वृत्तानुसार, निवेदनात असे म्हटले आहे की, राष्ट्रपती डॉ. मोहम्मद मुइज्जू यांनी शनिवारी (18 नोव्हेंबर) राष्ट्रपती कार्यालयात भारत सरकारचे मंत्री किरेन रिजिजू यांच्याशी झालेल्या भेटीदरम्यान औपचारिकपणे ही विनंती केली. केंद्रीय मंत्री किरेन रिजिजू मालदीवच्या नवीन राष्ट्राध्यक्षांच्या शपथविधी सोहळ्यासाठी भारताचे प्रतिनिधित्व करण्यासाठी आले होते. यादरम्यान त्यांची मुइज्जूशी भेट झाली होती. (Latest Marathi News)
यानंतर मालदीवच्या राष्ट्रपतींच्या अधिकृत वेबसाइटवर एक प्रेस रिलीज अपलोड करण्यात आली. यापूर्वी त्यात फक्त दोन ओळी लिहिल्या होत्या, ज्यात मालदीवमधून भारतीय सैनिकांना मायदेशी परतण्याची विनंती करण्यात आली. नंतर ते काढून टाकण्यात आले आणि एक मोठी प्रेस रिलीझ अपलोड करण्यात आली.
यामध्ये भारतीय जवानांचाही उल्लेख आहे. त्यात म्हटले आहे की, "मुइज्जू यांनी भारत सरकारला मालदीवमधून आपले सैनिक परत घेण्याची औपचारिक विनंती केली.'' मालदीवचे राष्ट्रपती म्हणाले की, ''मालदीवच्या जनतेने सप्टेंबरमध्ये झालेल्या राष्ट्रपतीपदाच्या निवडणुकीत भारताकडे याबाबत मागणी करण्यासाठी त्यांना जनादेश दिला आणि आशा व्यक्त केली की, भारत मालदीवच्या लोकांच्या इच्छेचा आदर करेल."
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.