वृत्तसंस्था : आसाम Assam मधील दिमा हसाओ Dima Hasao या जिल्ह्यामध्ये उग्रवाद्यांनी चांगलाच हैदोस घातला आहे. उमरंगसो लंका Umarangso Lanka रोडवर १नाही तर थेट ७ ट्रकला आग Fire लावण्यात आली आहे. या आगीमध्ये ५ ट्रक चालकांचा जळून दुर्दैवी मृत्यू Death झाला आहे.

हे देखील पहा-

गुरुवारी रात्री दिमा हसाओ जिल्ह्यामधील उमरंगसो लंका रोडवर दिसमाओ Dismao गावाजवळून ७ ट्रक चालले होते. या दरम्यान उग्रवाद्यांनी ट्रकच्या दिशेने गोळीबार Firing केलेला आहे. यानंतर ट्रकला आगीच्या हवाले करण्यात आले आहे. स्थानिकांनी याची माहिती दिल्यावर पोलिसांनी Police घटनास्थळी लगेचच धाव घेतली आहे.

पोलिसांना ५ मृतदेह जळालेल्या अवस्थेत आढळले आहेत. आसाम पोलिसांनी याबाबत माहिती सांगितले आहे की, डिमासा नेशनल लिबरेशन आर्मीच्या Dimasa National Liberation Army (डीएनएलए) उग्रवादी समुहाने हा हल्ला केला असल्याचे वर्तवले जात आहे. या घटनेनंतर परिसरामध्ये शोधमोहिमेला सुरूवात करण्यात आली आहे.

उग्रवाद्यांना पकडण्याकरिता आसाम रायफल्स पथकाचे देखील मदत घेतली जात असल्याचं पोलीस अधिकारी जयंत सिंह यांनी सांगितले आहे. दरम्यान, गुवाहाटीपासून २०० किलोमीटर अंतरावर असणाऱ्या दिमा हसाओ या ठिकाणी ही घटना घडली आहे. आग लावण्यात आलेले, ट्रक सिमेंट तयार करणाऱ्या प्लान्टकरिता कोळसा आणि अन्य सामानाची वाहतूक करत होते, अशी माहिती या घटनेत समोर आली आहे.

Edited By- Digambar Jadhav