यवतमाळमध्ये शिवसैनिकांनी जाळले नारायण राणेंचे पोस्टर

यवतमाळ - नारायण राणेंचा एनकाऊंटर होणार होता. शिवसेना प्रमुख बाळासाहेब ठाकरे यांच्यामुळे ते वाचले. आता तेच राणे महाराष्ट्रचे मुख्यमंत्री तथा शिवसेना पक्षप्रमुख उद्धव ठाकरे यांच्या विरोधात अपशब्द काढत आहे. शिवसैनिकांमध्ये त्यामुळे चीड निर्माण झाली असून शिवसैनिकच राणेंचा एनकाऊंटर करेल असे खळबळजनक वक्तव्य शिवसेनेचे यवतमाळ विधानसभा प्रमुख संतोष ढवळे यांनी केले.

हे देखील पहा -

स्थानिक दत्त चौक येथे शिवसेनेतर्फे आंदोलन करीत राणेचे बॅनर जाळले. केंद्रीय मंत्री नारायण राणे यांनी मुख्यमंत्र्यांविषयी केलेल्या वक्तव्यानंतर शिवसैनिक यवतमाळ मध्ये आक्रमक झाल्याचे दिसून आले. नारायण राणे यांच्या पोस्टरला शिवसेना कार्यकर्त्यांनी चपल बांधली. त्यानंतर राणे यांच्या पोस्टरला शिवसैनिकांकडून चपलेने मारल्यानंतर जाळण्यात आले.

Edited By - Shivani Tichkule