अखिलेश यादव यांनी लोकसभा निवडणुकीत अवदेश प्रसाद यांच्याबद्दल एक भविष्यवाणी केली होती. लोकसभेच्या निकालानंतर ही भविष्यवाणी अचूक ठरल्याचे सिद्ध झाले आहे. अखिलेश यादव यांचा स्टेजवरील भविष्यवाणी करतानाचा व्हिडिओ सोशल मीडियावर व्हायरल होत आहे.

लोकसभा निवडणुकांचे काल निकाल जाहीर झाले. त्यात फैजाबादमधून समाजवादी पक्षाचे अवधेश प्रसाद विजयी झाले आहेत. फैजाबाद हा मतदारसंघ अयोध्या शहरात येतो. याच मतदारसंघात भगवान राम लल्ला यांचे भव्य राम मंदिर आहे. राम मंदिर (Ram Mandir)बांधल्यानंतर फैजाबादमधील निवडणूक भाजपला सोपी जाईल, असे मानले जात होते. या मतदारसंघातील परंतु निवडणुकीच्या निकालाने सर्वांनाच आश्चर्यचकित केले आहे.

समाजवादी पक्षाच्या अवधेश प्रसाद यांनी फैजाबादमधून भाजपचे उमेदवार लल्लू प्रसाद यांचा तब्बल ५४,५६७ मतांनी पराभव केला आहे. त्यांना साधारण ५,५४,२८९ मते मिळाली. तर लल्लू सिंह यांनी ४,९९,७२२ मते मिळालीत.

लोकसभेचा निकाल लागताच अखिलेश(Akhilesh) यादव यांचा प्रचारादरम्यानचा व्हिडिओ सोशल मीडियावर व्हायरल होत आहे. यात व्हिडिओमध्ये अवधेश प्रसाद हे लल्लू सिंह यांच्या प्रचारासाठी आले होते. अवधेश प्रसाद यांनी त्यानंतर विजयाचा अंदाज व्यक्त करताना अखिलेश यादव यांनी त्यांना माजी आमदार म्हटले.

यावर अवधेश प्रसाद यांनी त्यांना आवरले होते. माजी आमदार ऐकून त्यांना धक्का बसला. त्यानंतर तात्काळ अखिलेश यादव म्हणाले की, 'माजी आमदार, तुम्ही आता खासदार होणार आहात. त्यामुळे मी हे बोलत आहे'. यानंतर अवधेश प्रसाद यांनी अखिलेश यांचे हात जोडले.

फैजाबादमध्ये २० मे रोजी पाचव्या टप्प्यात मतदान पार पडले होते. या मतदारसंघात एकूण १३ उमेदवार निवडणुकीच्या रिंगणात होते. या निवडणुकीत समाजवादी पक्षाचे अवधेश प्रसाद यांनी ५५४२८९ मते मिळाली. तर भाजपचे उमेदवार आणि दोन वेळा खासदार राहिलेले लल्लू सिंह यांना ४,९९,७२२ मतांवरच समाधान मानावे लागले होते.

२०१९ लोकसभा निवडणुकीचा निकाल - २०१९ च्या निवडणुकीत फैजाबाद लोकसभा मतदारसंघातून फक्त १३ उमेदवार रिंगणात होते. भाजपने तत्कालीन खासदार लल्लू सिंह यांना पुन्हा तिकीट दिले होते. सपा आणि बसपा युतीच्या वतीने सपाचे आनंद सेन आणि कॉंग्रेसच्या वतीने निर्मल खत्री हे निवडणूक रिंगणात होते.

फैजाबाद लोकसभा लोकसभा जागेवर ६१.०२ टक्के मतदान पार पडले. या निवडणुकीत भाजपचे लल्लू सिंह यांना ५,२९,०२१ मते मिळाली. त्यानंतर त्यांनी सपाचे आनंद सेन यादव यांना काँग्रेसच्या निर्मल खत्री यांचा ५३ हजार ३८६ मतांनी पराभव केला.

२०१४ लोकसभा निवडणुकीचा निकाल- गेल्या २०१४ च्या लोकसभा निवडणुकीत लल्लू सिंह भारतीय जनता पक्षाच्या तिकीटावर विजयी झाले आणि संसदेत पोहोचण्यात यशस्वी झाले. लल्लू सिंह यांनी सपाच्या मित्रसेन यादव यांचा तब्बल २ लाख ८२ हजार ७७५ मतांनी पराभव केला,तर भाजपच्या लल्लू सिंह यांनी २,०८,९८६ इतकी मते मिळाली. तर बसपाचे जितेंद्र सिंह बबलू यांना १,४१,८२७ मते मिळाली. कॉंग्रेसचे निर्मल खत्री यांना १, २९,९१७ मते मिळाली.