एअर इंडियाच्या AI117 विमानाचं आपत्कालीन लँडिंग करण्यात आलं. हे विमान अमृतसरवरून बर्मिंगहॅमला जात होतं. विमान हवेत असतानाच इमरजन्सी टरबाइन सुरू झाल्यानं ब्रिटेनच्या विमानतळावर लँडिंग करण्यात आलं. दरम्यान यात विमानाचे कोणतेही नुकसान झाले नाही. विमानातील प्रवासी आणि क्रू मेंबर देखील सुरक्षित आहेत. एअर इंडियाच्या अधिकाऱ्यांनी दिलेल्या माहितीनुसार, शनिवारी जेव्हा विमान बर्मिंघमला पोहचणार होते, त्याचवेळी RAT सिस्टम ऑटोमॅटिक सक्रिय झालं .

बर्मिंगहॅमकडे जाण्यापूर्वीच AI117 विमानातील कर्मचाऱ्यांनी RAT तैनात केल्याचे लक्षात घेतले. सर्व इलेक्ट्रिकल आणि हायड्रॉलिक पॅरामीटर्स सामान्य असल्याचे आढळून आले आणि विमान सुरक्षितपणे उतवरलं," असे एअर इंडियाने एका निवेदनात म्हटलंय. तांत्रिक तपासणीसाठी विमान ग्राउंड करण्यात आलंय. AI114 (बर्मिंगहॅम ते दिल्ली) परतीचे उड्डाण रद्द करण्यात आलंय. प्रवाशांची झालेल्या गैरसोयीबाबत कंपनी दखल घेतलीय.

रॅम एअर टरबाइन एक आपत्कालीन उपकरण असते. जे विमानामध्ये इंजिन मुख्य वीजेची पूर्तता करणं अयशस्वी झाल्यानंतर हवेच्या शक्तीतून वीज आणि हायड्रॉलिक दबाव तयार केलं जातं. ही प्रणाली सहसा फक्त गंभीर आपत्कालीन परिस्थितीतच सक्रिय केली जाते.

या वर्षी जूनमध्ये अहमदाबाद विमान अपघातादरम्यान त्याच मॉडेलमध्ये (बोईंग ७८७-८ ड्रीमलायनर) RAT देखील स्वयंचलितपणे सक्रिय झाले होते. त्या घटनेच्या प्राथमिक तपासात असे आढळून आले की, इंधन पुरवठ्यात व्यत्यय आल्याने इंजिन बंद पडले, ज्यामुळे आपत्कालीन यंत्रणा सुरू झाली होती..