वृत्तसंस्था: देशात कोरोनाचा संसर्ग कमी होत आहे. देशात सुमारे २ वर्षांनंतर सलग दुसऱ्या दिवशी १ हजार पेक्षा कमी प्रमाणात कोरोना रुग्णांची नोंद झाली आहे. मात्र, कोरोना (Corona) मृत्यूदराच्या संख्येत वाढ झाली आहे. देशात गेल्या २४ तासांत ७९५ नवे कोरोनाबाधित आढळले आहेत. यामध्ये ८५ जणांचा मृत्यू झाला आहे.

हे देखील पहा-

काल ९१३ नवीन रुग्ण (Patient) आणि १३ जणांचा मृत्यू झाला आहे. देशात आतापर्यंत कोरोनामुळे ५ लाख २१ कोटी ४१६ जणांचा मृत्यू झाला आहे. सक्रिय प्रकरणांची संख्या १२,०५४ वर येऊन पोहचली आहे. केंद्रीय आरोग्य मंत्रालयाने जारी केलेल्या आकडेवारीनुसार, शनिवारी दिवसभरामध्ये देशात १ हजार २०८ रुग्ण कोरोनामुक्त झाले आहेत.

यानंतर देशात सक्रिय रुग्णांची संख्या १२ हजार ५४ झाली आहे. कोरोनामुळे जीव गमावणाऱ्यांची संख्या ५ लाख २१ हजार ४१६ झाली आहे. देशात आतापर्यंत ४ कोटी २४ लाख ९६ हजार ३६९ लोक कोरोना संसर्गमुक्त झाले आहेत. आतापर्यंत १८४ कोटीपेक्षा जास्त डोस देण्यात आले आहेत. देशव्यापी लसीकरण मोहिमेअंतर्गत आतापर्यंत कोरोना प्रतिबंधात्मक लसींचे १८४ कोटीपेक्षा जास्त डोस देण्यात आले आहेत.

आतापर्यंत कोरोना लसीचे १८४ कोटी ८७ लाख ३३ हजार ०८१ डोस देण्यात आले आहेत. केंद्रीय आरोग्य मंत्रालयाने दिलेल्या माहितीनुसार, आरोग्य कर्मचारी, कोरोना योद्धा आणि इतर आजारांनी ग्रस्त असलेल्या ६० वर्षांपेक्षा जास्त वयाच्या लोकांना २ कोटीपेक्षा जास्त कोरोना लस देण्यात आले आहेत.

Edited By- Digambar Jadhav