South Africa Bus Accident News :

दक्षिण आफ्रिकेतून (South Africa) रस्ते अपघाताची भीषण दुर्घटना घडली आहे. दक्षिण आफ्रिकेमध्ये बसच्या भीषण अपघातात ४५ जणांचा मृत्यू झाला आहे. गुरुवारी बोत्सवाना येथून मोरिया येथे जाणाऱ्या भाविकांची बस दरीत कोसळून ४५ जणांचा मृत्यू झाला आहे. या दुर्घटनेत एक व्यक्ती गंभीर जखमी झाला आहे. (Latest Marathi News)

दक्षिण आफ्रिकेमध्ये गुरुवारी ईस्टर साजरा करण्यासाठी घेऊन जाणारी बस एका डोंगरावरील पुलावरून दरीत कोसळली. बस दरीत कोसळल्यानंतर पेट घेतला. या दुर्घटनेत ४५ जणांचा मृत्यू झाला आहे. बोत्सवाना या देशातून मोरिया शहरात ही बस जात होती. या घटनेत ८ वर्षांचा एका बाळाचा जीव वाचला आहे. त्याच्यावर रुग्णालयात उपचार सुरु आहेत. या बाळाला गंभीर दुखापत झाली आहे.

लिम्पोपोमधील सरकारने सांगितलं की, बस १६४ फूट दरीत कोसळून तिला आग (Fire) लागली. या घटनेत अनेक जणांच्या मृतदेह जळाले आहेत. यामुळे या मृतदेहांची ओळखही पटवणे अवघड झालं आहे. तर काही जणांचे मृतदेह हे बसमध्येच असल्याचे सांगण्यात येत आहे.

मोरिया शहरातील प्रसिद्ध ईस्टर तीर्थक्षेत्राच्या दिशेने हे भाविक निघाले होते. चालकाकडून बसवरील नियंत्रण गमावल्याने हा भीषण अपघात (Accident) झाल्याची शक्यता वर्तविण्यात येत आहे.

गेल्या वर्षी झालेल्या अपघातात २०० हूण अधिक जणांचा मृत्यू

लिम्पोपोमध्ये परिवहन मंत्री सिंडिसिवे चिंकुगा यांनी अपघातानंतर घटनास्थळी भेट घेतली. तसेच त्यांनी अपघातात मृत पावलेल्या लोकांप्रती संवेदना व्यक्त केली. तसेच त्यांनी अपघाताचं नेमकं कारण काय, याचाही शोध घेत असल्याची माहिती दिली. गेल्या वर्षी ईस्टर आठवड्यात रस्ते अपघातात २०० हून अधिक जणांचा मृत्यू झाला होता.

राष्ट्राध्यक्ष रामफोसा यांनी लोकांना केलं मोठं आवाहन

'ईस्टर सुरक्षितपणे साजरा करण्यासाठी सर्वांनी प्रयत्न केले पाहिजे, असं आवाहन ईस्टरचा संदेश देताना राष्ट्राध्यक्ष सिरील रामफोसा यांनी नागरिकांना केलं.