वृत्तसंस्था: देशात कोरोना (Corona ) रुग्णांची संख्या आता दिवसेंदिवस कमी होत असल्याचे दिसत आहे. गेल्या २४ तासामध्ये देशात कोरोना (Corona ) विषाणूचे ३ हजार ११६ नवीन रुग्ण (Patient) आढळले असून ४७ जणांचा मृत्यू झाला आहे. कोरोनावर मात केल्याने शनिवारी ५ हजार ५५९ जणांना रुग्णालयातून (hospital) डिस्चार्ज देण्यात आला आहे. (3116 new corona patients 47 deaths in the last 24 hours in the country)

हे देखील पहा-

सक्रिय प्रकरणांची संख्या ३८ हजार ६९ इतकी कमी झाली आहे. केंद्रीय आरोग्य मंत्रालयाने (Union Ministry Health) जारी केलेल्या आकडेवारीनुसार, शनिवारी दिवसभरामध्ये देशात ५ हजार ५५९ लोक बरे झाले होते. यामुळे देशामध्ये सक्रिय रुग्णांची संख्या ३८ हजार ६९ इतकी झाली आहे. याचबरोबर कोरोनामुळे जीव गमावणाऱ्यांची संख्या ५ लाख १५ हजार ८५० इतकी झाली आहे.

मिळालेल्या आकडेवारीच्या माहितीनुसार, आतापर्यंत ४ कोटी २४ लाख ३७ हजार ७२ लोक संसर्गमुक्त झाले आहेत. आतापर्यंत १८० कोटींहून अधिक डोस (Dose) देण्यात आले आहेत. देशात लसीकरण (Vaccination) मोहिमेअंतर्गत आतापर्यंत कोरोना प्रतिबंधात्मक लसींचे १८० कोटींपेक्षा जास्त डोस देण्यात आले आहेत. शनिवारी दिवसभरामध्ये २० लाख ३१ हजार २७५ डोस देण्यात आले आहेत.

यानंतर आतापर्यंत लसीचे १८० कोटी १३ लाख २३ हजार ५४७ डोस देण्यात आले आहेत. केंद्रीय आरोग्य मंत्रालयाने दिलेल्या माहितीनुसार, आरोग्य कर्मचारी, कोरोना योद्धा आणि इतर आजारांनी ग्रस्त असलेल्या ६० वर्षांपेक्षा जास्त वयाच्या लोकांना २ कोटींपेक्षा जास्त कोरोना लस देण्यात आले आहेत.

Edited By- Digambar Jadhav