मावळ : मावळ (Maval) मधील तळेगाव दाभाडेजवळ असलेल्या वराळे गावाजवळील इंद्रायणी नदी परिसरांत वाढदिवस साजरा करायला आलेल्या एक तरूण रविवारी दुपारी इंद्रायणी नदीपात्रात (Indrayani River) बुडाला असुन तब्बल पंचवीस तासाच्या अथक परीश्रमानंतर त्याचे शव मिळालं आहे.

या तरुणाच नाव संतोष जाधव वय वर्ष २५ असून तो मुळचा लातूर येथील असुन वराळे गावच्या नदी किनारी वाढदिवस साजरा करत असताना मित्रांची नदीपात्र ओलंडण्याची पैज लागली होती. पुर्णा नदीपात्र ओलांडून पुन्हा परत येत असताना मध्ये दमछाक झाल्याने संतोषला आपले प्राण मात्र गमवावे लागले.

सदर घटनेची माहिती मिळताच वन्यजीव मावळ रेस्कु संस्था आणि शिवदुर्ग रेस्कु पथक घटनास्थळी दाखल झाले रविवार दि १७ रोजी सायं सात वाजेपर्यंत शोधमोहिम सुरू होती त्यानंतर सोमवारी पुन्हा सकाळी नऊ वाजल्यापासुन पुन्हा शोधमोहिम सुरू केली अथक परीश्रमानंतर आज सायं चार च्या सुमारास बॅाडी शोधण्यास यश आले असून अधिकचा तपास तळेगाव दाभाडे पोलीस (Talegaon Dabhade Police) करीत आहे.

Edited By - Jagdish Patil