Marathwada Politics : काँग्रेसला जोरदार धक्का, २ दिग्गज नेत्यांनी 'हात' सोडला, २४ तासांत कमळ हातात घेणार

Kailas Gorantyal and Suresh Warpudkar shift to BJP before civic polls : स्थानिक स्वराज्य संस्थाच्या निवडणुकीच्या तोंडावर काँग्रेसला एकामागोमाग एक धक्के बसत आहेत. काँग्रेसमधील अनेक दिग्गज नेते भाजपमध्ये प्रवेश करणार आहेत. त्यामध्ये कैलास गोरंट्याल आणि ज्येष्ठ नेते सुरेश वरपूडकर या दिग्गज नेत्यांचाही समावेश आहे. भाजप प्रदेशाध्यक्ष रविंद्र चव्हाण यांच्या नेतृत्वाखाली पक्षप्रवेशाचा धडाका सुरू आहे. स्थानिक स्वराज्य स्थांच्या निवडणुकीआधी काँग्रेसला मोठं भगदाड पडलेय. (Maharashtra local body elections)

मराठवाड्यात काँग्रेसला मोठा धक्का मानला जात आहे. स्थानिक स्वराज्य संस्थांच्या निवडणुकांच्या पार्श्वभूमीवर भाजपची जोरदार इनकमिंग सुरू झाले आहे. काँग्रेसचे माजी आमदार आणि ज्येष्ठ नेते भाजपमध्ये प्रवेशाच्या तयारीत आहे. तीन वेळा आमदार राहिलेले काँग्रेस नेते कैलास गोरंट्याल आणि ज्येष्ठ नेते सुरेश वरपूडकर मंगळवारी भाजपमध्ये प्रवेश करणार आहेत. या दोन्ही नेत्यांचा पक्षप्रवेश मंगळवारी दुपारी ३ वाजता मुंबईत भाजप प्रदेशाध्यक्ष रविंद्र चव्हाण यांच्या उपस्थितीत होणार असल्याचे समजतेय.

स्थानिक स्वराज्य संस्थांच्या निवडणुकीच्या आधी भाजपकडून मराठवाड्यामध्ये संघटनात्मक ताकद वाढवण्याचा प्रयत्न करण्यात येत आहे. काँग्रेस, ठाकरेंच्या दिग्गज नेत्यांना गळाला लावले जातेय. प्रदेशाध्यक्ष रविंद्र चव्हाण यांच्या नेतृत्वाखाली काँग्रेसमध्ये मोठी फूट पडण्याची शक्यता आहे. कैलास गोरंट्याल आणि ज्येष्ठ नेते सुरेश वरपूडकर यांच्या पक्षप्रवेशामुळे नांदेड आणि परभणी जिल्ह्यातील राजकीय समीकरणे बदलण्याची चिन्हे आहेत.

स्थानिक स्वराज्य संस्थांच्या निवडणुकांच्या पार्श्वभूमीवर भाजपने काँग्रेसला जोरदार राजकीय धक्का दिला आहे. आगामी निवडणुकांच्या पार्श्वभूमीवर मराठवाड राजकारणात घडत असलेली ही मोठी घडामोड मानली जातेय. विधानसभा निवडणुकीत मविला जोरदार धक्का बसल्यानंतर महायुतीमध्ये इनकमिंग मोठ्या प्रमाणात वाढले. सर्वाधिक फटका ठाकरेंच्या शिवसेना आणि काँग्रेसला बसला आहे. मराठवाड्यात भाजपने विशेष लक्ष केंद्रीत केले असून आपली ताकद वाढवली आहे.