उल्हासनगर : उल्हासनगर कॅम क्रमांक दोन या भागात एका इमारतीचा स्लॅब कोसळून एकाचा मृत्यू झाला आहे. या घटनेत एक जण जखमी झाला आहे. या घटनेत मृत पावलेल्या व्यक्तीचं शव येथील मध्यवर्ती रुग्णालयात (hospital) पाठविण्यात आलं आहे. (ulhasnagar latest marathi news)

ही दुर्घटना घडली त्या इमारतीचं नाव कोमल पार्क असे असून त्या इमारतीच्या पाचव्या माळ्यावरती एका फ्लॅटचे दुरुस्तीचे काम चालू असताना स्लॅब कोसळला. यावेळी दोन कामगार तिथे काम करत होते.

या घटनेनंतर इमारतीमधील सर्व लोकांना बाहेर काढण्यात आले. उल्हासनगर महानगरपालिकेनं इमारत सेल केली आहे. ही घटना घडल्यानंतर उल्हासनगर महानगरपालिका तसेच उल्हासनगर पोलीस स्टेशनचे कर्मचारी घटनास्थळी पाेहचले. तसेच त्यांनी मदत कार्यात सहभाग घेतला. उल्हासनगर महानगरपालिकेतर्फे या इमारतीचा स्ट्रक्चरल ऑडिट केलं जाणार आहे.

Edited By : Siddharth Latkar