(अजय दुधाणे )

Ulhasnagar women Felt Down From seventh Floor :

तुम्हीही घरातील ग्रीलमध्ये कपडे वाळत घालत असाल, तर काळजी घ्या. कारण कपडे ग्रिलमध्ये वाळत घालत असताना एक थरारक घटना उल्हासनगरमध्ये घडल्यासं वृत्त समोर आलं आहे. उल्हासनगरमध्ये एक महिला कपडे वाळत घालताना खाली पडली. सातव्या मजल्यावर ही महिला आपल्या घरात दुपारी कपडे वाळत घालत होती. (Latest News)

त्यावेळी ग्रिलसोबतच ही महिला खाली कोसळळी. पण सुदैवानं ही महिला अगदी थोडक्यात वाचली. देव तारी त्याला कोण मारी, या म्हणीचा प्रत्यय यावेळी इमारतीमधील लोकांना आल्याचं आता बोललं जातंय. या महिलेला काहीशी दुखापत झाली असून अगदी थोडक्यात महिलेचा जीव वाचलाय. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

नेमकं काय घडलं?

उल्हासनगर शहरात कॅम्प क्रमांक पाच भागात भाटिया रोज आहे. भाटिया रोडवरील महालक्ष्मी टॉवर ही इमारत आहे. या इमारतीतील सातव्या मजल्यावर एक महिला कपडे वाळत घालत होता. दुपारच्या सुमारात ती कपडे वाळत घालत असताना एक अजब प्रकार घडला. कपडे वाळत घालत असताना ग्रिलसोबतच ही महिला थेट खाली कोसळळी. तळमजल्यावरच ही महिला कोसळली गेली. पण यावेळी तळमजल्यावर पत्रे असल्यामुळे ही तेथील पत्र्यांवर आदळली.

यावेळी झालेल्या आवाजानंतर लोकांनी पाहिले असता, त्यांना घडलेला अजब प्रकार लक्षात आला. तातडीने अग्निशमन दलाच्या जवानांनी घटनास्थळी धाव घेतली आणि जखमी महिलेला सुखरुप रेस्क्यू केलं. जखीम महिलेचं नाव कोमल तेजवानी असं आहे. त्यांच्यावर सध्या रुग्णालयात उपचार सुरु आहे.

कोमल तेजवानी यांची प्रकृती सध्या स्थिर असल्याची माहिती रुग्णालय प्रशासनाने दिली आहे. दरम्यान, कोम तेजवानी जिथे राहत होत्या, तेथील इमारत धोकादायक अवस्थेत होती का? ग्रिलसकटच त्या खाली कशा कोसळल्या, यावरुन तर्कवितर्क लढवले जात आहेत.

काळजी घ्या!

या घटनेनंतर ग्रिलमध्ये कपडे वाळत घालणाऱ्यांनी काळजी घेणं गरजेचं असल्याचं मत व्यक्त केलं जातंय. ग्रिलमध्ये उभं राहून जर तुम्ही कपडे वाळत घालत असाल, तर ते जीवावर बेतू शकते. इतकंच काय तर इमारतीच्या ग्रिलमध्ये लहान मुलांना उभं करणंही धोकादायक ठरु शकतं.