मुंबई: ट्विटर अकाउंट वेरिफाय करत असाल तर ही बातमी नक्की वाचा. ट्विटर अकाउंट वेरिफाय करुन फॉलोअर्स वाढवून देण्याच्या नावाखाली प्रसिद्ध महिला वकील यांची फसवणूक करण्यात आल्याची घटना घडलीये (Woman lawyer cheated in the name of increasing followers by verifying her Twitter account).

याप्रकरणी मुंबई पोलिसांत अनोळखी व्यक्तीविरोधात गुन्हा दाखल करण्यात आला आहे. सध्या पोलीस आरोपीचा शोध घेत आहेत.

नेमकं काय घडलं?

29 मार्चला या आरोपीने तक्रारदार वकील यांना इन्स्टाग्रामवर (Instagram) मेसेज करुन 'ब्लू बड्स'चा वापर करुन फॉलोअर्स (Followers) वाढवून देण्याचे आमिष दाखवले. तसेच, वकील (Lawyer) महिलेकडून अकाउंटची माहिती घेत ट्विटर (Twitter) अकाउंट हॅक केले.

अकाउंटवरील प्रोफाईल फोटो बदलून त्या ठिकाणी मुस्लिम व्यक्तीचा फोटो अपलोड करत बदनामी केली. तसेच, अकाउंट पुन्हा पूर्ववत करण्यासाठी 500 डॉलरची मागणी केली. या प्रकरणी पोलीस अधिक तपास करत आहेत.

Edited By - Nupur Uppal