Woman Biker Threatens Police:

वांद्रे वरळी सी लिंकवर एका महिलेने राडा घतला आहे. सी लिंकवर ही महिला दुचाकी घेऊन आली होती. नियम मोडल्यामुळे वाहतूक पोलिसांनी तिला अडवले. तसेच योग्य ती कारवाई, फाईन भरण्यास सांगितले. मात्र या महिलेने पोलिसांशी हुज्जत घातली. (Latest Marathi News)

वांद्रे वरळी सी लिंकवर ही महिला बुलेट घेऊन आली होती. महिला बाईक घेऊन पोहोचली तेव्हा पोलिसांनी तिला अडवले. आपली चूक मान्य करण्याऐवजी या महिलेने पोलिसांशी हुज्जत घातली. इतकेच नाही तर पोलिसांना शिवीगाळ करत त्यांचे हात पाय तोडण्याचीही भाषा केली.

पंतप्रधान नरेंद्र मोदी मला फोन करतील तेव्हाच मी बाईकवरून उतरेन असंही ही महिला म्हणाली. अखेर पोलिसांनी या महिलेवर कारवाई करत बाईक जप्त केली आहे. या महिलेचे नाव नुपुर पटेल असून ती मध्य प्रदेशची राहणारीये. पोलिसांनी तिच्याविरोधात गुन्हा दाखल केलाय.

मी रोड टॅक्स भरते या रस्त्यावर चालण्याचा मला हक्क आहे, असं ही महिला म्हणते. तसेच नरेंद्र मोदींना मला फोन करायला सांगा मगच मी येथून जाणार अशी धमकी देखील महिलेने पोलिसांना दिली आहे. पोलिसांशी हुज्जत घालतानाचा तिचा हा व्हिडीओ सोशल मीडियावर व्हायरल झाला आहे. नेटकऱ्यांनी देखील यावर हस्यास्पद कमेंट केल्यात.