मुंबई : मुंबईत बॉम्ब ब्लास्ट करणाऱ्या याकूब मेमनला सोडविण्याची ज्याने मागणी केली त्या असलम शेख यांच्याकडून आणखी काय अपेक्षा असणार. त्यांच्याकडून मुंबईतील क्रीडा संकूलास (mumbai sports complex) टिपू सुलतानचे (tipu sultan) नाव देणे हे अपेक्षितच होतं असे भाजपचे खासदार मनाेज काेटक (manoj kotak) यांनी नमूद करीत शिवसेनेला याचा विसर पडल्याची खंत व्यक्त केली.

खासदार काेटक म्हणाले मुंबई बॉम्ब ब्लास्टमध्ये असलेला आरोपी याकूब मेमन त्याला वाचविण्यासाठी असलम शेख (aslam shaikh) यांनी प्रयत्न केले. त्यांनाच आपल्या मंत्रिमंडळात मंत्री बनवलं. त्यांना मुंबईचे (mumbai) पालकमंत्री बनवलं.

महापौरांचा विरोध हा वायफळ आहे. जे मंत्री आता टिपू सुलतानची (tipu sultan) वकिली करत आहेत ते महाविकास आघाडी सरकार (mva) आल्यानंतर वकिली करत आहेत. हे मुंबईकर बघत आहेत. हे त्यांनी लक्षात ठेवावं असेही खासदार मनोज कोटक यांनी नमूद केले.

edited by : siddharth latkar